Read Rade Y-Yôsuê 12 Bible Online

Y-Yôsuê 12 - Rade bible

Y-Yôsuê 12

¹Nĕ anei phung mtao phung Israel dưi leh, leh anăn mă bha čar diñu ti nah dih êa krông Yurdan phă yang hruê ƀlĕ, mơ̆ng hnoh Arnôn truh kơ čư̆ Hermôn, leh anăn jih tlung tĭng ngŏ:

²Y-Sihôn mtao phung Amôrit dôk ti ƀuôn Hêsbôn leh anăn kiă kriê mơ̆ng ƀuôn Arôer ti knhal hnoh Arnôn, leh anăn mơ̆ng krah tlung truh ti êa krông Jabôk, kdriêl lăn phung Amôn, čiăng lač sa mkrah kdriêk čar Galaat,

³ñu kiă kriê msĕ mơh nah ngŏ Arabah, mơ̆ng êa ksĭ Čhinêrôt truh ti êa ksĭ Arabah (êa ksĭ Hra), truh kơ Bet-Jêsimôt, leh anăn tĭng ngŏ truh ti tlung čư̆ Pisga;

⁴leh anăn Y-Ôk mtao Basan, sa čô adôk mơ̆ng phung Rêphaim, dôk ti Astarôt leh anăn Êdrei,

⁵leh anăn kiă kriê čư̆ Hermôn, kwar Salêka, leh anăn jih kdriêk čar Basan truh ti kdriêl phung Gêsurit leh anăn phung Makatit, leh anăn sa mkrah kdriêk čar Galaat truh ti kdriêl lăn Y-Sihôn mtao Hêsbôn.

⁶Y-Môis dĭng buăl Yêhôwa leh anăn phung ƀuôn sang Israel dưi hŏng diñu leh; leh anăn Y-Môis dĭng buăl Yêhôwa brei lăn diñu jing ngăn dưn kơ phung Ruben, kơ phung Gat, leh anăn kơ sa mkrah găp djuê Manasê.

⁷Nĕ anei phung mtao hlăm ala čar Y-Yôsuê leh anăn phung ƀuôn sang Israel dưi leh tĭng nah yŭ êa krông Yurdan, dơ̆ng mơ̆ng Baal-Gat hlăm tlung Liƀan truh ti čư̆ Kla phă Sêir (Y-Yôsuê brei lăn čar diñu jing ngăn dưn kơ phung găp djuê Israel tui si klei bi mbha,

⁸hlăm čar kngư, hlăm lăn dap, hlăm tlung, ti kbuôn, hlăm kdrăn tač, leh anăn hlăm dhŭng, čar phung Hitit, phung Amôrit, phung Kanaan, phung Pêrisit, phung Hiwit, leh anăn phung Jêbusit):

⁹mtao ƀuôn Yêrikô sa, mtao ƀuôn Ahi giăm ƀuôn Bêthel sa,

¹⁰mtao ƀuôn Yêrusalem sa, mtao ƀuôn Hêbron sa,

¹¹mtao ƀuôn Jarmut sa, mtao ƀuôn Lakis sa,

¹²mtao ƀuôn Êglon sa, mtao ƀuôn Gêser sa,

¹³mtao ƀuôn Dêbir sa, mtao ƀuôn Gêder sa,

¹⁴mtao ƀuôn Hôrma sa, mtao ƀuôn Arat sa,

¹⁵mtao ƀuôn Lipna sa, mtao ƀuôn Adulam sa,

¹⁶mtao ƀuôn Makêda sa, mtao ƀuôn Bêthel sa,

¹⁷mtao ƀuôn Tapua sa, mtao ƀuôn Hêpher sa,

¹⁸mtao ƀuôn Aphek sa, mtao ƀuôn Lasaron sa,

¹⁹mtao ƀuôn Madon sa, mtao ƀuôn Hasô sa,

²⁰mtao ƀuôn Simrôn-Mêrôn sa, mtao ƀuôn Aksap sa,

²¹mtao ƀuôn Tanak sa, mtao ƀuôn Mêgidô sa,

²²mtao ƀuôn Kadês sa, mtao ƀuôn Joknêam ti čư̆ Karmel sa,

²³mtao ƀuôn Dor hlăm anôk dlông Dor sa, mtao ƀuôn Gôim ti Gilgal sa,

²⁴mtao ƀuôn Tirsa sa; jih jang mtao mâo tlâo pluh sa čô.