Read Rampi Pewaliana 10 Bible Online

Pewaliana 10 - Rampi bible

Pewaliana 10

¹Hieꞌemo muleꞌne anaꞌna hi Nohoꞌ. Anaꞌna hi Nohoꞌ iomo hi Sem, hi Ham, hi Apeꞌ. Koꞌukonalu duniaꞌ nilobuꞌi uwai, hi Sem, hi Ham, hi Apeꞌ mampemuleꞌkihi anaꞌ tomaꞌani.

²Muleꞌna hi Apeꞌ iomo: hi Gomeꞌ, hi Magog, hi Madaiꞌ, hi Yawa, hi Tubal, hi Meseꞌ hante hi Tira.

³Muleꞌna hi Gomeꞌ iomo: hi Askena, hi Ripaꞌ, hante hi Togarima.

⁴Muleꞌna hi Yawa iomo: toElisa, toSepanio, toSipuruꞌ hante toRodeꞌ.

⁵Ka iohi hieꞌemola hiburereꞌ roboꞌ-roboꞌ ngkodeꞌ to i bota ntahiꞌ. Iomola muleꞌna hi Apeꞌ hori-hori i woiꞌra, hante wiharora hadoduora, motuntunihi koꞌuweꞌara hante roboꞌ ngkodeꞌra.

⁶Muleꞌna hi Ham iomo: hi Kus, hi Mesiraiꞌ, hi Putuꞌ hante hi Kanaꞌa.

⁷Muleꞌna hi Kus iomo: toSeba, toHawila, toSabata, toRaema hante toSabateka. Anaꞌ-anaꞌna toRaema iomo: toSeba hante toDeda.

⁸Hi Kus mampemuleꞌki hi Nimoro, hei iomola to uluꞌ-uluꞌne mpololeke mewali to makuasaꞌ i duniaꞌ.

⁹Io woꞌo mewaliꞌ haduo tojago moꞌahu alaꞌ nobarakatiꞌi PUEꞋ Ala. Io horiana poko notiꞌi toaꞌ, “Kupohinaru hingkeꞌna mewaliko hibali hi Nimoro, i hinarona PUEꞋ Ala mapande moꞌahu.”

¹⁰Uluꞌ-uluꞌna kodatuana i Babeli, Ere hante Akaꞌ, hei lekiꞌna tiꞌo i woiꞌ Sinea.

¹¹Ka woiꞌ peꞌohaꞌa tiꞌo io nolou pe woiꞌ Asur, hei moꞌaro kota Niniwe, Rehoboꞌ-Ir, kota Kala,

¹²hei Rese i lumbuna Niniwe hante Kala. Rese iomo kota to kodeꞌ ka Niniwe hante Kala.

¹³Hi Misirai mampemuleꞌki toLudi, toAnami, toLehabi, toNatuhi,

¹⁴toaꞌ toPatusim, toaꞌ toKasiluhi, hei toKapitori, ka iomohi peꞌuluara toPelisiti.

¹⁵Hi Kanaꞌa mampemuleꞌki hi Sido, anaꞌna tokokaꞌ, hei hi Heti,

¹⁶hei toYebusi, toAmori hei toGirigasi,

¹⁷toHewi, toAriki, toSini,

¹⁸toAwadi, toSemari hei toHamati. Katoꞌo, mawunenemo koꞌuweꞌare toKanaꞌa tiꞌo.

¹⁹Koꞌuwaꞌana toKanaꞌa iomo mepongka ka Sido nolou pe Gera wute i Gasa, menonto pe Sodomo, Gomora, Adma hante Seboim wute pe Lasa.

²⁰Iomohi muleꞌne hi Ham motuntuni koꞌuweꞌara, motuntuni wiharora, woiꞌra, hei roboꞌ ngkodeꞌra.

²¹Nipoꞌanaꞌkimo woꞌo anaꞌ-anaꞌna pe hi Sem, umoꞌ lekiꞌna anaꞌna hi Ebere hante hi Apeꞌ kokaꞌna.

²²Muleꞌna hi Sem iomo: toElam, toAsu, toAripasa, toLudi hante toAra.

²³Muleꞌna hi Aram iomo: toUsi, toHuli, toGete, hante toMasiꞌ.

²⁴Hi Aripasa mampemuleꞌki hi Sela, hei hi Sela mampemuleꞌki hi Ebere.

²⁵Hi Ebere mampemuleꞌki meroduo tomaꞌani. Konaꞌna to haduo iomo hi Peleꞌ, alaꞌ i tempona tuwuꞌ, manusiaꞌ hiburereꞌ pe humaduniaꞌ, hei konaꞌna hineeꞌna iomo hi Yota.

²⁶Hi Yota mampemuleꞌki hi Alamodaꞌ, hi Selepi, hi Hasari-Mawete, hi Yera,

²⁷hi Hadorama, hi Usa, hi Dikala,

²⁸hi Obala, hi Abimaeꞌ, hi Seba,

²⁹hi Opi, hi Hawila, hi Yoba. Iomohila muleꞌne hi Yota.

³⁰Woiꞌ kolebaꞌara mepongka ka mesa menonto pe bolaꞌ Separ, iomo to mebiri i hambalina motoꞌando.

³¹Iomohila muleꞌne hi Sem, motuntuni koꞌoꞌuweꞌara, wiharora, woiꞌra, hei roboꞌ ngkodeꞌra.

³²Iomohila lekiꞌna koꞌoꞌuweꞌane anaꞌ-anaꞌna hi Nohoꞌ motuntuni pemuleꞌara, roboꞌ ngkodeꞌra. Hei ka iomohila hiburereꞌ roboꞌ-roboꞌ ngkodeꞌ i duniaꞌ ikoꞌukona nilobuꞌi uwai.