Read Rampi Pewaliana 36 Bible Online

Pewaliana 36 - Rampi bible

Pewaliana 36

¹Hieꞌemohi muleꞌne hi Esau to nitiꞌi woꞌo Edom.

²Hi Esau mampohantambi totolu towoweꞌe toKanaꞌa, iomo hi Ada anaꞌna hi Elon toHet, hi Oholibama anaꞌna hi Ana oꞌuweꞌna hi Sibeon toHewi,

³hei hi Basmat anaꞌna hi Sumaeli hineeꞌna hi Nebaio

⁴Hi Ada mampoꞌanaꞌki haduo tomaꞌani, to nikokeneꞌi hi Elipa. Hi Basmat moꞌanaꞌ haduo tomaꞌani to nikokeneꞌi hi Rehuel.

⁵Hi Oholibama moꞌanaꞌ tolu duo tomaꞌani iomo hi Yeus, hi Yaelam, hei hi Kora. Lekiꞌ-lekiꞌna anaꞌra tiꞌo nipoꞌanaꞌkihi i woiꞌ Kanaꞌa.

⁶Hi Esau hante hi Akoꞌ mewalimohi toꞌa topebiaꞌ, woriꞌ lumare, hei tetambai woꞌo koworiꞌne penatuwuꞌra, wute woiꞌ to ropeꞌohaꞌi tiꞌo hamboaꞌmo ganaꞌ rokopangkai bekeꞌ hei gimbara. Katoꞌo hi Esau mokaꞌamo hante hi Akoꞌ, io nolou pe woiꞌ ntaniꞌna. Lekiꞌ-lekiꞌna hantambina, anaꞌna nokomi hei toaꞌ to meꞌohaꞌhi i tambina, lekiꞌ-lekiꞌna pinatuwuꞌna hei lekiꞌ-lekiꞌna lumana to nohua i woiꞌ Kanaꞌa.

⁸Katoꞌo hi Esau to nitiꞌi woꞌo hi Edom, meꞌohaꞌ i pebiriana i woiꞌ Sei.

⁹Hieꞌemohi pemuleꞌane hi Esau to mewaliꞌ tododulura toEdom to meꞌohaꞌhi i biri-biri i woiꞌ Sei.

¹⁰Hantambina hi Esau to nikokeneꞌi hi Ada moꞌanaꞌ haduo tomaꞌani to nikokeneꞌi hi Elipa. Hi Elipa mampemuleꞌki limo duo tomaꞌani, iomo hi Teman, hi Omar, hi Sepo, hi Gaetam hei hi Kenas. Uwaꞌ woꞌo haduo towoweꞌe to nokoroduo hi Elipa, konaꞌna hi Timina. Io moꞌanaꞌ haduo tomaꞌani to nikokeneꞌi hi Amaleꞌ.

¹⁴Hantambina hi Esau, to nikokeneꞌi hi Oholibama iomo anaꞌna hi Ana hei oꞌuweꞌna hi Sibeon. Hi Oholibama moꞌanaꞌ tolu duo tomaꞌani iomo hi Yeus, hi Yaelam hei hi Kora.

¹⁵Hieꞌemohi pemuleꞌane hi Esau to mewaliꞌ tadulakora hantino-hantino. Hi Elipa anaꞌna hi Esau tokokaꞌ, mampemuleꞌki bahaꞌumbo tadulako hantino-hantino, iomo hi Teman, hi Omar, hi Sepo, hi Kena.

¹⁶Hi Kora hi Gaetam, hei hi Amaleꞌ. Lekiꞌ-lekiꞌna to mewaliꞌ tadulako i woiꞌ Edom iomo muleꞌnahi hi Ada hantambina hi Esau.

¹⁷Hi Rehuel anaꞌna hi Esau mampemuleꞌki haꞌumbora duo tadulako hantino-hantino, iomo hi Nahat, hi Sera, hi Sama hei hi Misa, lekiꞌ-lekiꞌra tiꞌo mewaliꞌ tadulako. Iomohi muleꞌna hi Basmat hantambina hi Esau.

¹⁸Hi Oholibama, hantambina hi Esau, anaꞌna hi Ana, mampemuleꞌki haꞌumbora duo tadulako hantino-hantino, iomo hi Yeus, hi Yaelam hei hi Kora.

¹⁹Lekiꞌ-lekiꞌra iomo muleꞌna hi Esau.

²⁰Hi Sei iomo haduo toHori to meꞌohaꞌ i woiꞌ Edom hampiha. Hieꞌemo muleꞌne to mewaliꞌ tadulakora hantino-hantino, hi Lotan, hi Sobal, hi Sibeon, hi Ana, hi Dison hi Eser hei hi Disan.

²²Hi Lotan mampemuleꞌki toHori hante hi Heman. Uwaꞌ halaline hi Lotan towoweꞌe to nikokeneꞌi hi Timina.

²³Hi Sobal mampemuleꞌki hi Alwan, hi Mahanat, hi Ebal, hi Sepo, hei hi Onam.

²⁴Hi Sibeon mampemuleꞌki hi Aya hante hi Ana. Hi Ana hieꞌemo to pahua mata uwai to molaho i popada woꞌoni kolentuꞌana molambaꞌ Kalidena hi Sibeon umoꞌna.

²⁵Hi Ana mampemuleꞌkimo hi Dison hei haduo towoweꞌe to nikokeneꞌi hi Oholibama.

²⁶Hi Dison mampemuleꞌki hi Hemdan, hi Esban, hi Itran hei hi Keran.

²⁷Hi Eser mampemuleꞌki hi Bilha, hi Saꞌawan hei hi Akan.

²⁸Hi Disan mampemuleꞌki hi Us hei hi Ara.

²⁹Hieꞌemohi tadulakore hantino-hantino toHori to meꞌohaꞌ i woiꞌ Sei. Hi Lotan, hi Sobal, hi Sibeon, hi Ana, hi Dison, hi Eser hei hi Disan.

³¹Ikohandoaꞌana tene uwaꞌ datu to moparenta toSaraeli, datu hieꞌemohi to momehawa-hawa moparenta i woiꞌ Edom.

³²Uluꞌ-uluꞌna hi Bela anaꞌna hi Beoꞌ moparenta i kota Dinhaba.

³³Ikomahina hi Bela nopohawa hi Yoba, anaꞌna hi Sera to ka kota Bosra.

³⁴Ikomahina hi Yoba nopohawa hi Husiam ka woiꞌra toTeman.

³⁵Ikomahina hi Husiam, nopohawa hi Hadaꞌ anaꞌna hi Bedaꞌ ka kota Awit iomo to monani toMidian i woiꞌ Moab.

³⁶Ikomahina hi Hadad, nopohawa hi Samla ka kota Masreka.

³⁷Komahinalu hi Samla, nopohawa hi Saulu ka kota Rehoboꞌ, i bota uwai Epara.

³⁸Komahinalu hi Saulu, nopohawa hi Bal-Hanan anaꞌna hi Abo.

³⁹Komahinalu hi Bal-Hanan nopohawa hi Hadar ka kota Pahu. Hantambina konaꞌna hi Mehetabe anaꞌna hi Mateꞌ oꞌuweꞌna hi Mesaha.

⁴⁰Hi Esau iomo tododulura toEdom. Hieꞌemohi pemuleꞌane to mewalihi tadulakora hantino-hantino, hi Timina, hi Alwa, hi Yeteꞌ, hi Oholibama, hi Ela, hi Pino, hi Kenas, hi Teman, hi Mibsar, hi Magdie, hei hi Iram. Woiꞌ to ropeꞌohaꞌi hantino-hantino nikokeneꞌi motuntuni konaꞌ tadulakora.