Read Rampi Pewaliana 5 Bible Online

Pewaliana 5 - Rampi bible

Pewaliana 5

¹Hieꞌemo lolitonane muleꞌna hi Adama. I tempona Pueꞌ Ala moteru manusiaꞌ, Noteruhi motuntuni lenteNa hadoduoNa.

²Tomaꞌani hante towoweꞌe Noteruhi, Nobarakatihi hei iohi Nokokeneꞌihi “Manusiaꞌ”.

³Hi Adama moꞌumuruꞌ 130 ntoꞌa, io mampemuleꞌkimo haduo tomaꞌani lentena hibobali hante io, hei nokokeneꞌi hi Set.

⁴Hei hi Adama tuwuꞌ tene 800 ntoꞌa uko mampemuleꞌki hi Set, hei io mampemuleꞌki tene tomaꞌani hante towoweꞌe.

⁵Tinuwuꞌna hi Adama 930 ntoꞌa, honiꞌi mahi.

⁶Ikotuwuꞌana hi Set 105 ntoꞌa, io mampemuleꞌki hi Eno.

⁷Hei hi Set tuwuꞌ tene 807 ntoꞌa, uko mampemuleꞌki hi Eno hante io mampemuleꞌki tomaꞌani hante towoweꞌe.

⁸Mewaliꞌ, tinuwuꞌna hi Set 912 ntoꞌa, honiꞌi mahi.

⁹Ikotuwuꞌana hi Eno 90 ntoꞌa, io mampemuleꞌki hi Kena.

¹⁰Hei hi Eno tuwuꞌ tene 815 ntoꞌa, ikoꞌukona mampemuleꞌki hi Kena hei io mampemuleꞌki tomaꞌani hante towoweꞌe.

¹¹Mewaliꞌ hi Eno tinuwuꞌne 905 ntoꞌa, honiꞌi io mahi.

¹²Ikotuwuꞌana hi Kena 70 ntoꞌa, io mampemuleꞌki hi Mahalale.

¹³Katoꞌo hi Kena tuwuꞌ tene 840 ntoꞌa, uko mampemuleꞌki hi Mahalale hei moꞌanaꞌhi tene tomaꞌani hante towoweꞌe.

¹⁴Tinuwuꞌna hi Kena 910 ntoꞌa, honiꞌi io mahi.

¹⁵Ikotuwuꞌana hi Mahalale 65 ntoꞌa, io mampemuleꞌki hi Yareꞌ

¹⁶Hei hi Mahalale tuwuꞌ tene 830 ntoꞌa koꞌukona mampemuleꞌki tomaꞌani hante towoweꞌe.

¹⁷Mewaliꞌ hi Mahalale tinuwuꞌna 895 ntoꞌa, honiꞌi io mahi.

¹⁸Ikotuwuꞌana hi Yareꞌ 162 ntoꞌa, io mampemuleꞌki hi Henoꞌ.

¹⁹Katoꞌo hi Yareꞌ tuwuꞌ 800 ntoꞌa, koꞌukona mampemuleꞌki hi Henoꞌ hei io mampemuleꞌki tomaꞌani hante towoweꞌe.

²⁰Mewaliꞌ hi Yareꞌ tinuwuꞌna 962 ntoꞌa, honiꞌi mahi.

²¹Ikotuwuꞌana hi Henoꞌ 65 ntoꞌa, io mampemuleꞌki hi Metusala.

²²Hei hi Henoꞌ tuwuꞌ mohaꞌanu hante Pueꞌ Ala, i lalina 300 ntoꞌa tene, ikoꞌukona mampemuleꞌki hi Metusala hante io mampemuleꞌki tomaꞌani hei towoweꞌe.

²³Mewaliꞌ hi Henoꞌ tinuwuꞌna 365 ntoꞌa.

²⁴Hei hi Henoꞌ mohintuwuꞌ hante Pueꞌ Ala, uko tiꞌo io hamboaꞌmo uwaꞌ, alaꞌ io Noꞌoreꞌmo Pueꞌ Ala.

²⁵Ikotuwuꞌana hi Metusala 187 ntoꞌa, katoꞌo io mampemuleꞌki hi Lamek,

²⁶Hei hi Metusala tuwuꞌ tene 782 ntoꞌa, uko mampemuleꞌki hi Lamek hei io mampemuleꞌki tomaꞌani hante towoweꞌe.

²⁷Mewaliꞌ hi Metusala wute motinuwuꞌ 969 ntoꞌa, honiꞌi io mahi.

²⁸Ikotuwuꞌana hi Lamek 182 ntoꞌa, io mampemuleꞌki haduo tomaꞌani,

²⁹hei nokokeneꞌi hi Nohoꞌ, notiꞌi, “Anaꞌ tiꞌo hingkiꞌ mepaꞌani pepododoli i lali pajamanta to buhaꞌ komaporiꞌ i woiꞌ to notundaꞌ PUEꞋ Ala.”

³⁰Hi Lame tuwuꞌ tene 595 ntoꞌa, ikoꞌukona mampemuleꞌki hi Nohoꞌ, hei io mampemuleꞌki tene tomaꞌani hante towoweꞌe.

³¹Mewaliꞌ tinuwuꞌna hi Lamek 777 ntoꞌa, honiꞌi io mahi.

³²Ikotuwuꞌana hi Nohoꞌ 500 ntoꞌa, io mampemuleꞌki hi Sem, hi Ham hante hi Apeꞌ.