Read Rampi Matius 1 Bible Online

Matius 1 - Rampi bible

Matius 1

¹Hieꞌemo peꞌuluane hi Yesu, muleꞌna datu Daudi, muleꞌna hi Burahima. Mepongka ka hi Burahima wute i datu Daudi, konaꞌra peꞌuluana hi Yesu, hieꞌemohi:

²Hi Burahima mampemuleꞌki hi Isaki; Hi Isaki mampemuleꞌki hi Akoꞌ; hi Akoꞌ mampemuleꞌki hi Yehuda hante haꞌumborahi halali hampemomolona;

³hi Yehuda mampemuleꞌki hi Pere hante hi Sera (inoꞌra nikokeneꞌi hi Tama); hi Pere mampemuleꞌki hi Hesro; hi Hesro mampemuleꞌki hi Rama;

⁴hi Rama mampemuleꞌki hi Aminada; hi Aminada mampemuleꞌki hi Nahaso; hi Nahaso mampemuleꞌki hi Samo;

⁵hi Samo mampemuleꞌki hi Boas (inoꞌna nikokeneꞌi hi Raha); hi Boas mampemuleꞌki hi Obeꞌ (inoꞌna nikokeneꞌi hi Ruti); hi Obeꞌ mampemuleꞌki hi Isai;

⁶hei hi Isai mampemuleꞌki datu Daudi. Mepongka ka datu Daudi wute i konitawaniꞌra toYahudi nolou pe woiꞌ Babeli, konaꞌra to mampemuleꞌki hi Yesu, hieꞌemohi: Hi Daudi mampemuleꞌki hi Salomo (inoꞌna hi Salomo iomo hantambina hi Uria hampiha);

⁷hi Salomo mampemuleꞌki hi Rehabea; hi Rehabea mampemuleꞌki hi Abia; hi Abia mampemuleꞌki hi Asa;

⁸hi Asa mampemuleꞌki hi Yosafat; hi Yosafat mampemuleꞌki hi Yoram; hi Yoram mampemuleꞌki hi Usia;

⁹hi Usia mampemuleꞌki hi Yotam; hi Yotam mampemuleꞌki hi Ahas; hi Ahas mampemuleꞌki hi Hiskia;

¹⁰hi Hiskia mampemuleꞌki hi Manase; hi Manase mampemuleꞌki hi Amos; hi Amos mampemuleꞌki hi Yosia;

¹¹hi Yosia mampemuleꞌki hi Yekonia hante haꞌumborahi halali hampemomolona. I tempo tiꞌo toYahudi nitawaniꞌhi rokomi nolou pe woiꞌ Babeli.

¹²Mepongka ka konitawaniꞌra toYahudi i Babeli wute ikonipoꞌanaꞌkina hi Yesu, konaꞌra peꞌuluana hi Yesu, hieꞌemohi: hi Yekonia mampemuleꞌki hi Sealtie; hi Sealtie mampemuleꞌki hi Serubabel;

¹³hi Serubabel mampemuleꞌki hi Abihu; hi Abihu mampemuleꞌki hi Eliaki; hi Eliaki mampemuleꞌki hi Aso;

¹⁴hi Aso mampemuleꞌki hi Sado; hi Sado mampemuleꞌki hi Akimi; hi Akimi mampemuleꞌki hi Eliu;

¹⁵hi Eliu mampemuleꞌki hi Eleasar; hi Eleasar mampemuleꞌki hi Matan; hi Matan mampemuleꞌki hi Akoꞌ;

¹⁶hei hi Akoꞌ mampemuleꞌki hi Yusuf to mewali maꞌanina hi Maria. Hi Maria tiꞌo to mampoꞌanaꞌki hi Yesu to nitiꞌi Kerisitu.

¹⁷Mewaliꞌ, mepongka ka hi Burahima wute i hi Daudi, koworiꞌra hampuluꞌ iba lapina pemuleꞌa. Mepongka ka hi Daudi wute i konitawaniꞌra toYahudi nolou pe woiꞌ Babeli, hampuluꞌ iba lapi woꞌo, honiꞌi mepongka ka konitawaniꞌra toYahudi i Babeli wute ikonipoꞌanaꞌkina Kerisitu, hampuluꞌ iba lapi woꞌo.

¹⁸Hieꞌemo lolitonane konipoꞌanaꞌkina hi Yesu Kerisitu. InoꞌNa iomo hi Maria. Hi Maria tiꞌo iomo wuliana hi Yusuf. Ikohandoaꞌara tene hamoko umbiꞌnamo hi Maria mehinonaꞌi, angkana ikopehinonaꞌina tiꞌo, alaꞌ kuasaꞌna Inohaꞌ Mangkolehi.

¹⁹Hi Yusuf wolia maꞌanina hi Maria to moromiꞌ, hei hawaꞌi hiniꞌ mampokohili hi Maria, iomo horiana notiꞌi i lalina, “Agina maꞌoruꞌa ngkororomiꞌ.”

²⁰Kolentuꞌana hi Yusuf mampekokiri, hampiha tempo io mepototuru pangkiꞌ haduo malaꞌekana Pueꞌ to mampatiꞌikiꞌi, “Yusuf, muleꞌna datu Daudi! Inioꞌko morokaꞌ moroa hi Maria mewali hantambimu, alaꞌ Oꞌanaꞌ to nopehinonaꞌiki tiꞌo ka kuasaꞌna Inohaꞌ Mangkolehi.

²¹Hi Maria hingkiꞌ mampoꞌanaꞌki haduo oꞌanaꞌ tomaꞌani, hei Oꞌanaꞌ tiꞌo hingkiꞌ ikokeneꞌi ‘Hi Yesu’ ala Io to hingkiꞌ mamposalamaꞌ toaꞌNa ka dosa.”

²²Lekiꞌ-lekiꞌna tiꞌo mewali hingkeꞌna tepobuhoꞌi pohawaꞌne Pueꞌ to nopowute nabi Yesaia hampiha:

²³“Haduo anaꞌntowowalo hingkiꞌ mehinonaꞌi, hei mampoꞌanaꞌki haduo oꞌanaꞌ tomaꞌani. Oꞌanaꞌ tiꞌo hingkiꞌ nikokeneꞌi Imanuel.” Palaihana, “Pueꞌ Ala moꞌowoniki.”

²⁴Meꞌaromo mpuꞌu hi Yusuf hei mampetuntui lekiꞌ-lekiꞌna hapo to notiꞌiki malaꞌekana Pueꞌ Ala tiꞌo. Katoꞌo nokohamokoimo mpuꞌu hi Maria,

²⁵angkana handoaꞌhi tene moꞌawa wute hi Maria moꞌanaꞌ. Konipoꞌanaꞌakinalu Oꞌanaꞌ tiꞌo, hi Yusuf mampaꞌaniꞌI konaꞌ “Hi Yesu”.