Read Ranglong SAM 101 Bible Online

SAM 101 - Ranglong bible

SAM 101

¹David Anpakna La Lungkham le ruirilna chu lana tho ka ti, O PUMA, nang anpakna la tho ka ti.

²Ka nun masial abui ni intia. Itikmo ka kom nei hong rang? Malung anthianga ka ina om ka ti, hatuka asia le anpol no ning.

³Pathian ata anhoi ngai um ka mumak; amani le ite tho no ning.

⁴Lalchi tho luia om no ning; asia le anlop no ning.

⁵Asia ril ngai ata ankhai ka ti; mi siat aril ngai ata; borai atho ngai amit en ansang ngai anlop pui no ning.

⁶Pathian iamrua ngai tak chunga ka mit om inti; ka muna manom u ka ti. Aiamrua ngai rong ka dorbo mandom ka ti.

⁷Milak athei ngai ka ina om u no ni; mi huang ngai ka matona om u no ni.

⁸Anikhua pei mi salui ngai hiva rama masiat ka ti. PUMA khopui ata asiat ngai not ka ti.