Read Ranglong SAM 102 Bible Online

SAM 102 - Ranglong bible

SAM 102

¹PUMA kom nuar chong aril borzongna Ka borzong rangai ro O PUMA, san ananga kei chapna rangai ro!

²Kan pon le, ka kom ata ankhai no ro! Na rangai ro, ka na pai le na masang lilip ro!

³Kei damna hi moikhu anga anpeia; ka taksa hi moi anga akanga.

⁴Chiak achar anga kan peia; nek sak azotna anpeia.

⁵Anringa kan hum; koi hi vun le ru duai keng ka ni zei.

⁶Philchara ram va ang ke ka ni zei, khoram simbu ang ke ka ni zei.

⁷Ka zalam ka meng; inchung sipa vate ningbui anga.

⁸Sunsota ka raldui ngaiin ka siat aril; anan ero ngaiin khomak sama ka raming amang.

⁹Na taksitna sika, ravut bu anga ka neka, ka ti nek bila mitrathi anchela. Nana choma nana deng.

¹¹Kei damna hi khuluia ralim ang; chiaka char ang kei ni.

¹²Tenchu PUMA nang chu umor taituana reng; khuk tinin na retit inti.

¹³Anthui na tia Zion lungkham mu na ti; atak chunga lungkham amu ahun zei; hitak hi ahun.

¹⁴Na suak ngaiin lung ngai adit, asiatam, lungkham amu u; aram biangam adit u.

¹⁵Namtinin PUMA achi inti; phil reng doran aranak achi inti.

¹⁶PUMAN Zion a manding sir le, ei lianna manlang inti.

¹⁷Ei heng ngai rangai inti a borzong u ngai rangai inti.

¹⁸Khuk ahonga om rang maziak ro, PUMAN imo ei tho, mi lanzir luiin ngal ei manpakna rang.

¹⁹Amun anthiang ansang ata ahong veng, vanram ata phil ahong en.

²⁰Lungina ankhum ankui ngai he a rangai hatuka athi ranga ngai a mazok.

²¹Hasik han Ziona a raming anril inti, Jerusalema anpak inti.

²²Ramtin le namtin anruala ahonga PUMA amok unti.

²³Ka vang lai hin PUMAN ranak abuia ana sin; ka nuk a manbong.

²⁴O PUMA, atun ka tar man naruai no ro. O PUMA, nang chu taituana adam.

²⁵A sot zei nangin phil nei sin na kut le anvan nei sin.

²⁶Hava ngai chu anpei inti, ten nang chu omin na ti; puan anga anmuar unti. Puan anga anvo lai no ta ni puan anga thul na tia anpei unti.

²⁷Ten nang umora amun chian na ni, na nuk hek ngai mak.

²⁸Koini na nai ngai zokna na om unti, nang nei rung na thuaia akhuk u ngai zok unti.