Read Ranglong SAM 103 Bible Online

SAM 103 - Ranglong bible

SAM 103

¹David Anpakna La Ka ratha PUMA manpak ro! Ka nina, doran PUMA raming anthiang manpak ro!

²Ka ratha PUMA manpak ro, itukmo ei sing mangil no ro.

³Nei masial ngai dora a maduala nei na ngai dora a mandama.

⁴Nei damna chu than khur ata a ratana hatuka lungkham le anditna borsang ana pek.

⁵Kei damna asa tin le a manbit, muliang anga kei vanga ranak kei nei na rang.

⁶Min pengsom ei tho ngai PUMAN rui arila ei dik u na apek.

⁷Ei derdin Mosi kom a manlang Israel ngai ei tho alian aman mu.

⁸PUMA chu lungkham le anditna bit ataksi len lui lungkham anzom le bit.

⁹Na ngo chian mak; atakasi chian nimak.

¹⁰Azem rua nei ni anga na zem mak nei masial ngai anga na thuan mak.

¹¹Phil chunga anvan ei ansang anga, hador ha a lungkham ei lian lalchi atho ngai chunga.

¹²Sualam ata taklam ei anla anga, hador ha nei masial ngai koini kom ata ei khai.

¹³Pa a nai ngai chunga ei sing anga! PUMA anchi ngai chunga ei sing.

¹⁴I anga ansin mo na ni ariat; philvut le ansin na ni ariat.

¹⁵Na nuk hi chiak ang keng. Rama par anga nan sona na ril;

¹⁶Thinthin asema anpei tuten mulai mak.

¹⁷Ten Pathian anchi ngai chu ei adit umor taituan tenpei ei satna akhuktin pei azo.

¹⁸A chongtin arung ngai aiamrua taka a he tel ngai.

¹⁹PUMAN a chomphang vanrama asiak; alompei chunga reng.

²⁰PUMA manpak u ro nang ni vanpalai arat le alian ngai, a he atel ngai, ei ti anngai ngai.

²¹Anvan ranak ngai doran PUMA manpak u ro, ama asuak ngai ei zot atho ngai!

²²Ei sin ngai doran PUMA manpak ro muntina aman rui ei ril. Ka ratha PUMA manpak ro.