Read Ranglong SAM 104 Bible Online

SAM 104 - Ranglong bible

SAM 104

¹Ka ratha PUMA manpak ro! O PUMA, ka Pathian ituk alian mo na ni! Nang chu anlianna le ningneina na anthuam na ni;

²ra-ang le nei anthop. Puanin anga anvan chu nei zar.

³Hatuka ti chunga in nei sin sakor rot anga ansum nei mang thinthi manthana na chuanga.

⁴Thinthi na palai anga na manga khuanlek na suak anga na mang.

⁵Phil hi ei detna rang taka na siaka, sing ansa pial no ni.

⁶Achunga tipuilian ri anga na siaka, hatuka mual ngai tin ahipa.

⁷Ti na ngo le arot; atana ase u na chong ariat le.

⁸Mual chunga aluanga phai anzola ase, amun ranga nangin nei sin han.

⁹Ram ri nei sin khel thak thei u no ni phil ankhu ret ranga.

¹⁰Phai anzola ti nar nei manluang, tipui mual ngai kongkara nei manluang.

¹¹Ramsa ngai ti azona; hava han sakuarpar ati anral a manbang.

¹²A kola thinga va ngaiin rabu akhuara la atho u.

¹³Anvan ata mual chunga rua na masul phil hi na borsang ti le abita.

¹⁴Nangin me ngai rang chiak nei manmong hatuka thingkung koini nei mang ranga, na anna nei ling theina rang.

¹⁵Hatuka uain ei hong monga koini na raisanna rang, oliv sariak koini nei anthi na rang vaipol, ranak nei manna rang.

¹⁶Lebanon Sidarin rua atam amana PUMAN ei ling a thing.

¹⁷Hava han vangaiin rabu sin u; vangaiin chu masar thinga han ei sin u.

¹⁸Sakel ngai mual ansanga ei om u, mazu lian ngai rolrahana ei anthup u.

¹⁹Sortha nei sin tha tel na rang; simni ei lut hun ariata.

²⁰Zan na sina, me dora azing kara ahonga suaka.

²¹Akoibaknei ate alei an ram me ahual u le, Pathianin ei zon neksak a en ranga.

²²Simni suak le akhura avakual ret.

²³Hatuka miring sin atho ranga asuak khului tenpei sin atho.

²⁴PUMA nei sin hi atam ba! Ituk ahiana nei sin mo! Hi phil hi nei sin ngai le abit.

²⁵Tipui um asin alian ei om, hava han atel sua salui nukanei ei om, asin le alian.

²⁶A chunga rakuang ei anvei, Leviathan (Nukanei mi anga, alian sabak) ei andai ha tipui nukanei nei sin ha.

²⁷Alompeia avon ancham le na kom ei anboi u.

²⁸Na pek le ei nek u; nek rang na pek le arai ei san u.

²⁹Ateia nan hoile achi u na phuk le athi u hatuka philvut dena akir u na ei hong om u na ha.

³⁰Aphuk na pek le arai ei san u; phil rang nuk athar nei pek.

³¹PUMA lianna taituan zo rase! PUMA chu a raisan rase ei sin ngai le!

³²Phil a en le, annok; mual ansang alon le, moikhu asuak.

³³Ka damsung, PUMA rang la tho ka ti; ka dam kar pei ka Pathian anpakna la tho ka ti.

³⁴Ka la le a raisan rase, asik chu ka raisanna akom ata ke ei hong.

³⁵Mi salui ngai phil ata siat u rase; mi salui ngai bui u rase; Ka ratha PUMA manpak ro! PUMA manpak ro!