Read Ranglong SAM 107 Bible Online

SAM 107 - Ranglong bible

SAM 107

¹PUMA kom raisanna ril ro, asik chu ama chu asa; a lungkham chu taituan ke!

²Hiva chong ngai ti ret ro PUMA anpakna rang, nangni ei na mazok ngaiin. Na raldui u ata ana mazok u na.

³Ram atei ata ana hong ruai ret u na sualam taklam mar sim ata.

⁴Asen philchar hek luia cheianvai u na lampui tok thei u maka a omna khua man u mak.

⁵Avon ancham u na ati anral u na ei iam u na adong.

⁶Antak u na PUMA a pai u hatuka ei antak u ata azok.

⁷Lampui anzika a maruaia ei om thei u na rang khuana.

⁸A lungkham heklui sika raisanna ril u rase, tichangabui amani rang ei tho.

⁹Ati anral ngai a manbang ancham ngai asa le a manbit.

¹⁰Asen chu thina le azing kara a om u na antakna na thira ankhit ngai.

¹¹Asik chu Athotheikiar Pathian he ei tel u nok sika, ei manchu u ngai tel u maka.

¹²A malung u sin antakna le a manmin; anba untia tuten san u no ni.

¹³Hatuka antakna na Pathian pai unti ei anpon u ata a mazoka.

¹⁴Thina le azing kar ata ahong ruaia ei ankhit u na ngai a masata.

¹⁵A lungkham heklui sika PUMA manpak u rase, boidong sin amani rang ei tho sika.

¹⁶Aman thir suakkhar akhiaka hatuka thir akhiak.

¹⁷Homo chu amo, sabak u ei sanok u sik le ei masial u sik ei tiar u ke;

¹⁸nek sak matona anding thei u mak athina a dep u.

¹⁹Hatuka ei antak u nana PUMA a pai u hatuka ei antak u ata aman a mazok.

²⁰A chongpek le amani a mandam hatuka thankhur ata a mazoka.

²¹A lungkham heklui sika PUMA ei manpak u rang anang, asik chu tichangabui amani rang ei tho sika.

²²Dali dara ei manpak u rang, hatuka raisanna la le tho u rase aman ei tho ngai dora.

²³Senkhatin tipui chunga rakuang le anveia ti chunga nek sak aval a.

²⁴PUMAN imo ei tho a mu u ti chunga boidong sin ei tho ngai.

²⁵Chong apeka thinthin ahong sem hatuka ti duar ansok.

²⁶Rakuang chu anvana andoma hatuka anthuka achul reta. Hava ang rathataka avei ngai ngamna apek;

²⁷Zunri ei ngir thei nok anga anhem u na aranak u ngai dora akorong.

²⁸Antak u le PUMA a pai u hatuka aboidong u ata a mazok.

²⁹Phaivua a manbang tiduar ansok a mandai

³⁰Ei bang sika arai asan u hatuka rakuang pongansana na ei zot u nana ahong ruai u.

³¹PUMA lungkham bang ngai lui sika ei manpak u rang a nang, amani rang tichangabui ei tho sika.

³²Anchunna na ama ei lianna ei ril u rang ruiril na matona ulian ngai kara ei manpak u rang.

³³PUMAN tidung a mankang anrata ei hong luang a manbang.

³⁴Phil anmur ha machi mun pei anchanga asin, asik chu havana a om ngai ei siat u na sika.

³⁵Philchar ha tindila asin ramachar ha ti luangna na asin.

³⁶Avon ancham ngai ava manom, a omna khopuia ava sin u.

³⁷A chimu atu u na gerep aling u amara tam sabaka akham u.

³⁸A mi ngai borsang apeka, nai atampa anei u; ame u ngai ei pung nokna akhai.

³⁹Pathian mi ngai andoka annuai u ten mi salui ngai sinsak le antak tina.

⁴⁰Ansinsak ngai anduipuia aman philchara cheianvaia asiak.

⁴¹Tenchu anriang ngai ei antakna ata a mazok merual anga a insung a maphung.

⁴²Mi anthiang ngaiin amuna arai asan u tenchu mi salui ngai chu adaireka.

⁴³Mi hianin chu hiva rui hi mandon rase, PUMA lungkham heklui mandon u rase.