Read Ranglong SAM 108 Bible Online

SAM 108 - Ranglong bible

SAM 108

¹Ka malung hi adet ke, O Pathian! La thona na manpak ka ti! Anthui ro ka ratha!

²Anthui ro ka tingtang, ka chongpereng simni mathui ka ti.

³Na manpak ka ti O PUMA, namtin kara, mi ngai bila na manpak ka ti.

⁴Na lungkham hek luiin anvan sontiang apha; nei dik nan anvan apha.

⁵Anvana nei lianna ka mu, O Pathian, hatuka nei lianna phil pumpuia.

⁶Nei tho theina le na mazok ro; ka borzong na masang ro; na mi madit ngai ei zokna rang.

⁷A chomphang ata, Pathianin ati, “Sekem khua chu bak ka ti hatuka Sukkot phaia ka mi ngai sem ka ti.

⁸Gilead hi ka ta Manase ham; Ephraim ha ka lukhu hatuka Juda ka reng raimol.

⁹Tenchu Moab ram chu kei ansukna kheng anga mang ka ti hatuka ka kekok chu Edom rama pei ka ti, kei lua atia andangna anga. Ratna le ankhek ka ti Philistin ngai chunga.”

¹⁰O Pathian tumo khopui ankul sunga ana ruai rang? Edom tiang tumo ana ruai rang?

¹¹Nei na heng tatak mo ni zei? Koini na sipai ngai le suak non mo?

¹²Na raldui ngai ata na san ro; miring sanna chu alamluana om mak.

¹³Pathian koini tiang ke rat inti; aman na raldui ngai mandok inti.