Read Ranglong SAM 111 Bible Online

SAM 111 - Ranglong bible

SAM 111

¹PUMA manpak ro! Ka salung dora le PUMA manpak ka ti a mi ngai ei anchun u nana.

²PUMA sintho ngai chu tichangabui raisanna man ngai chu ariat rang azot u.

³Ei tho dora hi anpak rua le lalchi tho rua; ei dikna chu umor taituan.

⁴Tichangabui ei tho ngai PUMAN mangil mak; ama chu asing le lungkham anei.

⁵Ama lalchi tho ngai chu neksak azon; achongtin mangil mak.

⁶Ei tho theina ami ngai a manmu nam atei ngai ram chu amani kom apek.

⁷Ei tho rina ama chu iamrua le adik; a chongpek ngai dora anngamna chi ke.

⁸Umora rang ei zo; adika anthianga anpek ei ni.

⁹A mi ngai ei mazoka; umor chongtin ei nei pui. Ama chu anthiang le alian!

¹⁰Ahianna lampui chu PUMA lalchi tho; a chong atel ngai chu ruirilna dik apek. Ama chu umora anpak rua.