Read Ranglong SAM 115 Bible Online

SAM 115 - Ranglong bible

SAM 115

¹Nang na theia, O PUMA, nang na theia koini rang nimak, nangin anlianna chang ro, asik chu na lungkham banglui le iamrua nei ni.

²Ichangamo nam tinin ei na rakel rang, “Homo na Pathian?”

³Koini na Pathian chu vanrama; aman ei zot ang atho.

⁴Amani Pathian ngai chu sumru rangkachak le ansin miring kut le anbuak.

⁵Mur adon chong thei mak, mit adon mu thei mak.

⁶Kuar adonam re u mak, nar adonam amarim re u mak.

⁷Kut adonam re u mak, ke donam kal choi thei u mak, rasa nei thei u mak.

⁸Hava asin ngai dora, aiam ngai dora ramil abuak u ngai anga ni rase.

⁹Nangni Israel mipui, PUMA iam u ro. Aman ei na san u, ei na rung u.

¹⁰PUMA iam ro nangni Pathian chaizung ngai. Aman ei na san u ei na rung u.

¹¹PUMA iam u ro anmok ngai doran. Aman ei na san u ei na rung u.

¹²PUMAN ana riat bor um na pe inti; aman Israel mipui bor pe inti hatuka Pathian chaizung ngai dora.

¹³Ama lalchi tho ngai dora bor pe inti, asin alian anruala.

¹⁴PUMAN nang le na khuk ngai nai pe rase!

¹⁵PUMAN bor ei pek ni ro, ha anvan le phil asin han!

¹⁶Anvan hi PUMA rong ata, tenchu phil koini miring rang ei na pek.

¹⁷Athi le PUMA anpak mak, rasa bui muna ase tik le.

¹⁸Tenchu koini adam ngaiin akom raisanna ril inti, atun le taituana. PUMA manpak u ro.