Read Ranglong SAM 116 Bible Online

SAM 116 - Ranglong bible

SAM 116

¹PUMA chu ka dit, asik chu ka he arangai ka borzong ana rangai.

²Ama ka pai kip pei ana rangai.

³Thina anchirua ka ravela a oma; Seol thinan ana sur, anponna le lunghang ka man.

⁴Hatuka PUMA raming ka paia, O PUMA, ka na zong ka ratha anzok ranga.

⁵PUMA chu lungkham adon le anthiang, ani, koini na Pathian chu lungkham adon.

⁶PUMAN annuai ngai chu ahoi; annuai ka ni, aman ana san.

⁷O ka nuk pong nei ansana na kir ret ro, asik chu PUMAN na chunga asa ei tho sik.

⁸Asik chu athi ata ka nuk nei mazok, ka mit chu mitrathi ata, hatuka kei anba rang nei mazok.

⁹PUMA matona adam ngai rama kal choi ka ti.

¹⁰Ka iam, hasik han kei chong, achalaka ka duk ei na.

¹¹Kan pona, mi dora milak ka ti na.

¹²Ka chunga ei satna ngai sika PUMA chu imo koi le pe ning?

¹³Sandamna khuri la ka tinga, PUMA raming chu pai ka ting.

¹⁴Ka chongtin ha PUMA rang len ka ti atun ami ngai matona.

¹⁵A mi anthiang athi hi PUMA ranga alu.

¹⁶O PUMA, na suak kei ni tatak; na suak kei ni na suak nu nai kei ni, kei ankhit ngai nei na sut.

¹⁷Raisanna dali na dar ka ti PUMA raming pai ka ti.

¹⁸Ka chongtin ha PUMA rang len ka ti, atun ami ngai matona.

¹⁹PUMA biakin ankula ama matona O Jerusalem PUMA manpak ro.