Read Ranglong SAM 118 Bible Online

SAM 118 - Ranglong bible

SAM 118

¹PUMA kom raisanna ril u ro asik chu asa; ei na ditna chu umor taituan ei ni.

²Atun Israelin ti rase, a lungkham chu taituan keng.

³Aron a insungkuan atun ti rase, a lungkham chu umor taituan keng.

⁴Atun PUMA anchi ngaiin ti u rase, a lungkham chu umor taituan keng.

⁵Ka boidong lai PUMAN ka paia; PUMA ana masanga, hatuka mun anthola ana siak.

⁶PUMA chu ka tiang a om; achi no ning; imo miringin na tho thei ni?

⁷PUMA chu koi ana san ngai bila keng; hasik han anan mumak ngai kom kei zot mu ka ting.

⁸Miring aiam nek ten, PUMA iam asa ual.

⁹Reng sapa iam nek ten, PUMA iam asa ual.

¹⁰Namtinin ana hual; tenchu PUMA raminga masiat ka ti.

¹¹Ana hual u na; ani ei na hual u; tenchu PUMA raminga masiat u ka ti.

¹²Khuai anga ana bum u na tenchu anrappana raling akang anga athi u; PUMA raminga ka masiat u.

¹³Ana tuar u ka chul vit tenchu PUMAN ana san.

¹⁴PUMA hi ka ranak le ka la; ama hi ka sandam pu ei ni.

¹⁵Raisan le ratna ankhek chu mi anthiang ina rasa om ret; “PUMA chang kutin sin alian atho!

¹⁶PUMA chang kut chu ansanga anlang. PUMA chang kutin sin alian atho!”

¹⁷Thi no ninga dam ka ting, PUMAN ei tho ngai ril ka ting.

¹⁸PUMAN achan ana manchu tenchu athina na chu na pe mak.

¹⁹Biakin suakkhar chu na malong pe u ro, lut ka tia, PUMA koma phamchong ril ka ti!

²⁰Hiva hi PUMA suakkhar ke; mi dik ngai chu lut thei unti.

²¹Nei na san sika ka na manpak, anan zokpu na ni.

²²In asin ngai alung pei u ha, akila lung anangkhit alei ni.

²³Hava ha PUMAN ei tho ani, nei muna na boiadonga.

²⁴Avian hi PUMA ni mansuk ke, raisana pham u rei!

²⁵O PUMA, na sandam ta! O PUMA, borsang na mantung ro!

²⁶PUMA raminga ahong chu achanasa u! PUMA in ata borsang ka na pek u.

²⁷PUMA chu Pathian ke; koini na chunga honga el zei. Anbolna ha riruala thung u ro; maicham raki ngeta han.

²⁸Ka Pathian ke na ni, phamchong na ril ka ti; O ka Pathian, achan na manpak ka ti.

²⁹PUMA chu ei sa sika manpak u ro. A lungkhamna hi taituan ke.