Read Ranglong SAM 13 Bible Online

SAM 13 - Ranglong bible

SAM 13

¹La ruaipu rang: David Anpakna La O PUMA, ituktenmo nei na mangil kumkhua rang hi? Hotuktenmo koi ata na mai nei thup rang hi?

²Nikhuantin ka malunga lunghangna dona, hotuktenmo ka malung rui kei zek rang? Hotuktenmo ka raldui chu ka chunga anpaka ei om rang?

³O PUMA, ka Pathian, mandon tan la na masang di ro. Ka mit na manvar pe ro; hanokanten thina a in anga lam ka in ngai.

⁴Ka raldui han, “Ama ka zui zei,” ti lam ving ni; kei chula ana dui ngai pham lam ving u ni.

⁵Ten, koi chu na lungkhamna keng kei iam; nei na mazoknana hin ka salung raisan inti.

⁶Ka chunga asa sabaka ei tho sika, PUMA anpakna la tho ka ti.