Read Ranglong SAM 132 Bible Online

SAM 132 - Ranglong bible

SAM 132

¹La Ansang PUMA, David ha antak ei tiarna ngai dora riatpui ro.

²PUMA koma khomak ansama.

³“Kei omna ina lut pial no ninga; kei zalna mun am kal no ning,

⁴Pongansa no ninga, ka mit hi ei in phal no ning.

⁵PUMA rang mun, Jakob Pathian arat rang. In keia roka ka mu maseng chu.”

⁶Enta, Ephratha na athangva na riata, Zaar muna na mu zeia.

⁷“Ei omna na han se ila, ake siakna ha amok u rei.”

⁸O PUMA, anthui tan la na pongansana muna han lut ro nang le, nei ratna kok le.

⁹Na chaizung ngai chu dikna le anliang sela; na mi anthiang ngai chu raisana ankhek u rase!

¹⁰Na suak David asika na sariak manthi mel chu makhir lai no ro.

¹¹PUMA han David akoma chongtak le khomak ansam zeia; havan ata kir no ni: “Na taksa marana na mi reng chomphanga mansut ka ti.

¹²Na nai ngai han ka dan khit le ka chong manriat, amani kei la manchu rang chu azom u ten, anai u ngai um kumkhuana na reng chomphanga han ansut zel unti” ti na.

¹³PUMAN Zion chu athanga; ei omna ranga azota:

¹⁴“Hiva hi kumkhuana ranga pong kei ansana rang mun ani; hia hin kei om chian rang kei zot ke.

¹⁵Ei sak rang chu borsang pe lup ka tia; ami anriang ngai chu vaipol le mankhop ka ti.

¹⁶A chaizung ngai chu sandamna le athuam ka ti na, ami anthiang ngai chu raisana ankhek unti.

¹⁷Hava han David arang raki khat manchor pe ka ti na; ka sariak manthi rang han lem ka ruat zei.

¹⁸Ama anduipui ngai chu mualphui ansakna le athuam ka ti na, ama chunga han chu a renglukhu var zuak inti” na.