Read Ranglong SAM 138 Bible Online

SAM 138 - Ranglong bible

SAM 138

¹Na koma ka malung dora le raisan chong ril ka ti; Pathian ngai makunga han nang anpaka la tho ka ti.

²Na biakin anthiang tiang anhoia na mok ka tia, na lungkhamna le na chongtak sika na raming manpak ka ti; na chong chu na raming ngai neka na manlian zeia.

³Kei na pai ni han nangin nana masanga; kei damna ranak na peka ka ak na mathuia.

⁴O PUMA, phila reng ngai han raisan chong na ril unti, na mura chong asuak ngai chu ei riat u ke.

⁵PUMA omdan rui ngai chu la na tho unti. PUMA ei lianzia chu alian ke.

⁶PUMA chu chungnungkhit ani nakam, mi annuai ngai chu a mandon chachaka, mi borai atho ngai chu alapa ata ariat chachak.

⁷Rathatakna bila chei khuan leng ngal ila nangin na manhar ro, ana dui ngai taksitna adui rang na kut phar na ti, na chang kut le na sandam na ti.

⁸PUMA han ka ruia ei tho rang len inti; O PUMA, na lungkhamna kumkhuana om intia; nang na kut sintho ngai hi bang no ro.