Read Ranglong SAM 139 Bible Online

SAM 139 - Ranglong bible

SAM 139

¹PUMA nangin asadima nana ena, nana riat zei.

²Nangin kei ansut le kei anding hi na riat chachaka; kei mandonna hi alapa atam na riat thei chachak.

³Kei se le kei zal hi asadima nana en chachaka; ka omdan ngai dora na riat zita.

⁴En ta, O PUMA, nangin nei riat zit nok chu, ka maleia hin chongkhat ngal om mak.

⁵Nangin ka nuk tiang le ka maton tiang nana huala, ka chunga na kut um na siaka.

⁶Hidor peia riatna chu ka rang boidong a om sabaka; ansang sabaka, kei pha nok ke.

⁷Na ratha ata honmo kei se rang? Na malung ata hi honmo kei rot rang?

⁸Anvana kal ila, hava han na lei oma; Seol-a zamun sin ila, enta, havan han na lei oma.

⁹Zing mantha zara tipuilian hekna na va om ngal viak ila.

¹⁰Havan hanum na kutin na maruai na tia, na changkut le na sur na tia.

¹¹“Azingin ana mahip titam ka ravel ra-ang hi zan azing am” ti ngal ila;

¹²Azingin um nang ata han iten manlia mak, zan hi sun anga a el ual ke. Na rang chu azing le a el hi munkhat bang ke.

¹³Nang ngetin ka rilru na dona; ka nu von sunga nana thupa.

¹⁴Na koma raisan chong na ril ka ti; anchi oma le boidong oma alei ansin ka ni na sintho ngai hi boidong a om ke, hava ha kei damnan ei riat sabak ke.

¹⁵Maruka ansina ka oma, phil mun thuaikhita asadima ansina ka omlai han, ka taksa hi nang ata anthupa om mak.

¹⁶Ka taksa lan sin lui ha na mitin na muna. Na lehkhabua han ka baksem ngai dora anziak kiar ke. Anikhuan tina ansina om zela, angkhat te ngal ala om man han.

¹⁷O Pathian, nei mandonna ngai chu ka rang alu ba nu! Ei anchun chu atam ba nu!

¹⁸Na tel aniten bali ramal neka atama; kei hong menga han hanum na kom den ka om chachak.

¹⁹O Pathian, mi salui ngai chu that nget na ti! O thisen ansuak a zot mi ngai, ka kom ata ankhai u ro.

²⁰Amani han salui sabaka ana rilsiat u na; nang anan duipui ngai han na raming chu pei aman chang u chachak.

²¹O PUMA, nang anan mumak ngai chu mumak lui mo ka ni! nang ana dui ngai chunga han ka taksi lui mo ni!

²²Amani chu mumak tataka ka mumaka; ana duia ka betok kiar u na.

²³O Pathian, asadima na en tan la, ka malung hi re ro; na mansin tan la, kei mandonna ngai hi re ro.

²⁴Hanuk, koia hin saluina lam aom mo ommak mo en tan la umor lampuia han na ruai ro.