Read Ranglong SAM 140 Bible Online

SAM 140 - Ranglong bible

SAM 140

¹O PUMA, mi salui ata han na mazok ro; mi nunchan asia ata han na rung ro.

²Amani han a malung u na asia tho a mandon u chachaka, adui rang anchun babang u chachak.

³A malei u chu marul anga aman ngei u chachak; aner sung u na han phephu tur a oma. (Selah)

⁴O PUMA, mi salui kut ata han na siak tan la; mi nunasia ata han na rung ro; amani han ka ke phet ngai hi atuar rang atho u na.

⁵Mi borai athei ngai han kei anokna rang maruka chang akam u na; rirual ngaile, lam sira len apha u na, kei anokna rang chang ngai akam u na. (Selah)

⁶PUMA koma han, “Nang chu ka Pathian na nia.” O PUMA, lungkham kei na zongna he hi kuar na lei sung pe ro!

⁷O Pathian, PUMA koi ka sandamna ranak nang chu anduina nikhuana ka lu anan khu pe.

⁸O PUMA, mi salui ei zot ngai chu phal no tan la; ei mandon u na salui chu bari mantung pe no ro; hanokten borai ei tho rang ke ka ti na. (Selah)

⁹Anan hual tur u ngai lu chu, amani mura chong salui ei ril u han makhu rase.

¹⁰Moiraek ngai achung u na chul sela; moia anpeia om sela; ei anthui ret u lai nok rang khurkuruang anthukpana anpeia om rase.

¹¹Chong salui arilpu chu phila hin det thei u no nia; mi nunasia ansiat ranga asanokin lamruang lei tho inti.

¹²PUMA han antak atiar ngai le anriang ngai chu arui u na ei san rang ti ka riat.

¹³Mi dik ngaiin chu na raming manpak nget untia; mi anzik ngai chu na makunga om unti.