Read Ranglong SAM 141 Bible Online

SAM 141 - Ranglong bible

SAM 141

¹PUMA, ka na pai hi, ka koma hong len tan la! ka na pai le ka he na kuar lei sung ro.

²Ka borzongna hi marim ahui anga na makunga hong suak sela, ka kut phar hi khului tianga anbolna anga om rase.

³O PUMA, ka kola hin arungpu mansut tan la, ka mur suakkhar hi na rung pe ro.

⁴Asa nok sin ngai om salui atho ngaia tho pui rang han, ka malung hi asanok tiang reng chu na manhoi no tan la; nek sak ati ei sak u chu na mansa no ro.

⁵Mi dik han na zem rase, lungkhamna ke, chunngo na tho rase, na lu na sariak anthi ang ani, ka lu han zot luia om no rase, asa u nokam bor kei zong zel rang ke.

⁶Arui aril u ngai chu lungpui sira anpeia a om u na, amani han ka chong ngai chu rangai unti ei thum sika.

⁷Min phil arita, ei mandi ang han, na ru ngai hi than makapa antheka a oma.

⁸O Pathian, PUMA ka mit hin na tiang a en chachaka; nanga han kei iamna ka masum chachak, kei damna hi saikoronga na ma no ro.

⁹Kei anokna ranga chang ei kam u ata han na rung ro, asiat atho ngai chang ngai ata lehan.

¹⁰Koiin ka khela ka se lai tak han mi salui ngai chu amani lena han anba u rase.