Read Ranglong SAM 142 Bible Online

SAM 142 - Ranglong bible

SAM 142

¹Ka rol le PUMA chu ka paia; ka rol le PUMA koma lungkhamna ka zong chachak.

²A makunga kei antakna chong ka rila; a makunga kei anponna ngai ka manthei chachak.

³Ka ratha asunga anvuai lai han, nang ngetin ka lam chu na riata, kei se na lampuia hin kei anokna rang maruka chang akam u na.

⁴Ka chang tiang hi en tan la, enta, mi tute ana riat omlai mak; kei anrungna omlai maka; kei damna hi tuten na tel u lai mak.

⁵O PUMA, ka na paia; “Nang chu kei anrungna, mi dam ngai rama ka changai ke na ni,” ka ti.

⁶Kei na paina rahu hi rangai ro; annuai sabaka ka om zeia, anan sinsak ngai ata hin na mazok ro; ka neka arat u ke.

⁷Na raming kei manpak theina rang; kei damna hi ankhumna in ata na mazok ro; mi dik ngaiin na hual untia nang ka chunga nei satna sika.