Read Ranglong SAM 143 Bible Online

SAM 143 - Ranglong bible

SAM 143

¹O PUMA, ka borzongna hi rangai tan la! Lungkham kei na zongna na hin na kuar lei sung ro!

²Na suak chunga hin ruiril no ro; na mit muna han mi dora satanlo om u no ni.

³Aduipu han kei damna asinsaka ka nun hi phila ana razik pe na; athi sua anga muna azingpa ngaia ana manoma.

⁴Hasika han ka ratha hi ka sunga anvuaia; ka malung hi ka sunga a rathata zei.

⁵Tian laia ni ngai chu ka riattit chachaka; na sintho ngai dora chu ka mandon chachaka, na kut sintho ngai chu ka sut chachak.

⁶Ka kut ngai hi na tiang ka phar chachaka; kei damna hi ram ahul anga, nanga ati anral chachak.

⁷O PUMA, na masang len ro! Ka ratha anvuai rang ani zei. koi ata na mai thup no ro, hanok aniten khurkuruanga chum ngai anga lei om ning.

⁸Zinga han na lungkhamna chong na manriat ro, nang keina sabei chachak ke. Kei se na rang lam chu na manriat ro; ka malung hi na koma ka siak tit chachaka.

⁹O PUMA, ana dui ngai ata han na mazok ro; nei na thupna rang na koma hong atan ka ni.

¹⁰Nei zot dan atho na manchu ro; ka Pathian ke na ni do; na ratha chu asa ke, ram adika han na ruai ro.

¹¹O PUMA, na raming sika na manhar tan la; nei dikna sika kei damna hi rathatakna ata na masuaka na ruai ro!

¹²Na lungkhamna sik ana dui ngai chu pei biang tan la, kei damna rathatakna asin ngai dora pei biang ro, na suak kei ni sika.