Read Ranglong SAM 144 Bible Online

SAM 144 - Ranglong bible

SAM 144

¹PUMA ka lungpui chu anpaka om rase! Ama han ka kut ngai hi ral akap amanchu chachak.

²Ka lungkhamna le ka rakulpui, ka rakulbing ansang le anan zokpu, ka phocheng le kei iamna kei masumna. Ka thuaia ka mi ngai chu ana siak pe chachaka.

³PUMA, miring hi imo ei ni, nei riat chachak? Miring naipasal um imo ei ni, nei mandon chachak?

⁴Miring hi ite nilui ang ani na; a damsung ni ngai chu rali anpei chachak ang ani.

⁵O PUMA, anvan ngai so manbu tan la hong chum ro; mual ngai so ton ro, han chu akhu suak inti.

⁶Khua manlek tan la, amani ngai chu chen ro; na thal ngai chu kap tan la manpon chuak ro.

⁷Chung tiang ata na kut honga ban tan la, na mazok tan la, tilian ngai ata na rung ro.

⁸Amur u ngaiin milak arila khomak ansam chungam milak aril u.

⁹O Pathian, nang anpaka la thar tho ka tia; chongpereng ri som adon le nang anpak la tho ka ti na.

¹⁰Ama ha ani, reng ngai koma sandamna apeka, khendai mi ansiat thei ata asuak David a sanpu ha ani.

¹¹Na san tan la, khual ngai kut ata na rung ro; amur u han chong ite ni lui papei aril u chachaka, achang kut u chu chang kut dik lui ani.

¹²Anna anson tutur anga koini naipasal ngai anson u sela. koini nainupang ngai um reng in kila lung ansin asa ang lei ni rase.

¹³Na sasiar ngai lei bit sela atei um om rem rum rase. Na bera ngaiin um ate asang atampa sasi atampa siatluia mazir sela.

¹⁴Na serattang ngai puak pel lulup u sela, na ran rual ngai anruk rang le aruai viak rang om no sela. Na kholai ngai rathataka ankhek rasa om no se la.

¹⁵PUMA Pathiana adon mi ngai chu raisan taka a om u chachak!