Read Ranglong SAM 145 Bible Online

SAM 145 - Ranglong bible

SAM 145

¹O Rengkhit, ka Pathian na manpak ka tia; na raming hi kumkhua taituana na manpak ka ti.

²Nikhuan tina na manpak ka tia; na raming hi kumkhua taituana na manpak ka ti.

³PUMA chu alian; anpak sabak rua ke; ei anlianzia chu asut sua rua nimak.

⁴Khuk khatin khuk khat koma na sintho ngai chu na manpak zel untia; na sintho lianpa ngai chu na manriat unti.

⁵Nang anpakna alian le boidongoma, na sintho ngai chu mandon ka ti;

⁶Min na sintho rathatak ngai ei ratzia chu ril unti, koiin um nei lianzia manriat ka ti.

⁷Nei satna anlian ei riattit u ngai chu ril untia, nei dikna rui hi raisan taka la na tho unti.

⁸PUMA chu mi lungkham a muthei, anditna na abit; phukanchual, lungkhamna don sabak ke.

⁹PUMA chu alompei chungam asa ke a lungkhamna ngai chu ei sin ngai dora chunga a oma.

¹⁰O PUMA, nei sin ngai dora han na koma pham chong ril untia, mi anthiang ngaiin um na manpak inti.

¹¹Na ram ei lianzia chu arila, na sinthotheina rui chu chongangna na la mang unti.

¹²Miring nai ngai koma a sintho lian tatak ngai le, a ram huina; ei lian zia anriat ranga.

¹³Na ram chu umor ram rang ani na, na ningneina chu akhuk a om sung chu om chian inti.

¹⁴PUMA han anba ngai dora chu asur chian chachaka; anbur chiana om ngai chu amathui chachak.

¹⁵Nei sin ngai dora mi ngaiin nang ana ngak u chachak ke, nangin ahun taka abu u na pek chachak.

¹⁶Na kut na phara nukanei ngai dora ningolna chu na manmong pe chachak.

¹⁷PUMA chu omdan ngai dora adika, a sintho ngai dora mi lungkham amuthei ani chachak.

¹⁸PUMA han a omdan ngai dora adika, a sintho ngai dora na mi lungkham amuthei ani chachak.

¹⁹Ama lalchi tho ngai zot dan chu bari mantung pe chachaka; ei pai u na he riat intia ama chu sandam inti.

²⁰PUMA han ama andit ngai dora chu avong rap chachaka, mi salui ngai chu pei kiar inti.

²¹Ka mur hin PUMA anpakna chong ril inti; hanuk, nukanei doran a raming anthiang chu kumkhua taituana manpak rase.