Read Ranglong SAM 146 Bible Online

SAM 146 - Ranglong bible

SAM 146

¹PUMA chu manpak u ro! O kei damna PUMA chu manpak ro!

²Ka damsunga PUMA chu manpak ka tia; kei damsunga ka Pathian anpaka la tho ka tia.

³Mi lian ngai chu iam u no tan la; miring naipasal, sandamna ngal don lui chu, iam u no ro.

⁴A phuksanin amaka; ama chu leilung dena akir reta; hava nikhua len han ei mandonna ngai chu anpei pe len ke.

⁵Jakob a Pathian asanpuna adon chu, apham sabaka om chachak, PUMA Pathian sabeina adonpu chu.

⁶Ama chu phil ngai, anvan ngai, tipuilian ngai le asunga a om ngai dor asinpu ani, ama han chongtak kumkhuana rang avong rap chachaka.

⁷Ama han ansinsakna atiar ngai rang rui aril chachaka; ama han von ancham ngai koma bu apek chachak; PUMA han mi anok ngai amazok chachaka.

⁸PUMA han mit acho ngai mit a manvar chachaka. PUMA han anbur chichian ngai chu amathui chachak; PUMA han mi dik ngai chu adit chachaka.

⁹PUMA han khual ngai chu a avong rap chachaka; Pa donlui le arong chu a en a zona chachaka, mi salui ngai lampui ha chu amalet pe chachak.

¹⁰PUMA, chu kumkhuana renga ansut inti. O Zion, na Pathian chu akhuk akhuk tenpeia renga ansut inti. PUMA chu manpak u ro!