Read Ranglong SAM 147 Bible Online

SAM 147 - Ranglong bible

SAM 147

¹PUMA chu manpak u ro! Na Pathian anpaka la tho hi asa ke; hava ha anuama, anpakrua ngal ke.

²PUMA han Jerusalem chu a manding reta; Israel anzula a om ngai chu a mankhom reta.

³A malung ana ngai chu a mandama, ei pop aliam ngai chu athuam chachaka.

⁴Arasi tam zat atela a raming u aphua kiar chachaka.

⁵Na PUMA chu alian a sinthothei tiangam arat sabak ke; ei hianna ha hekna om no ni.

⁶PUMA han omannuai ngai chu a en azon chiana, mi salui ngai chu phila adenga apaia.

⁷Pham chong arila PUMA anpakna la tho u tan la; tingtang le na Pathian anpaka la tho u ro.

⁸Ama han anvan chu ansum le a manlia na; leilung ranga rua a mansuka, mual ngaia chiak a manmong chachaka.

⁹Ama han me koma asakrua apek chachak; va-ak te anram anram ngai komam.

¹⁰Ama han me koma asakrua apek chachak, miring ke chungam phamna ngal don chachak mak.

¹¹PUMA han ama anchi ngai chunga han phamna adon chachak, a lungkhamna ansabei ngai chunga han.

¹²O Jerusalem, PUMA chu manpak ro! O Zion na Pathian chu manpak ro!

¹³Ama han na rakul suakkhar ngai ankalna thingtuan ngai a mankhira; na sunga na nainupang a om ngai chu borsang ei pek ke.

¹⁴Na ramri sunga han anngoina asina; bu sakhit chi le ana manbit chachaka.

¹⁵A chongpek chu phila hin a mathuana, a chong ha anchar sabaka atan chachak.

¹⁶Arial atak chu bera mul anga apeka; arial achul chu ravut anga athek chachak.

¹⁷A ti antang chu atap atap a mathuan chachak; ei daina makunga han tumo anding thei rang?

¹⁸A chong chu a mathuana, hava ha a mazoia; a thinthi a manhonga, hanchu ti ngai ha aluang chachak.

¹⁹A chong chu Jakob ngai koma a manlanga, a dan ngai le a ruiril ngai um ha Israel ngai koma a manlang chachak.

²⁰Ama han tute nam chunga hantin han tho ngai mak; a ruiril ngai ret ha rengal u mak. PUMA chu manpak u ro!