Read Ranglong SAM 148 Bible Online

SAM 148 - Ranglong bible

SAM 148

¹PUMA chu manpak u ro! Anvan ata PUMA manpak u tan la, chungtiang ata ama chu manpak u ro.

²A vanpalai ngai dora, ama chu manpak u tan la, a sipai ngai dora, ama chu manpak u ro.

³Ani le tha ngai, ama chu manpak u ro; arasi a el ngai dora ama chu manpak u ro.

⁴Anvan ansang ngai, ama chu manpak u tan la; anvan chunga ti om ngai ama chu manpak u ro:

⁵Hava ngai han PUMA raming chu manpak rase! Aman chong apeka, ansina aleia om lena;

⁶ama han hava ngai ha kumkhua taituan rang amandeta, chong anpei nok rang chu, apeka.

⁷Phil ata hin, nangni dragon ngai le ti anthuk ngai dora;

⁸moi le arial, arial tang le ansum ngai, a he tel chachak phaivua ngai.

⁹Mual alian le mual asin nga dora, thing anra zot le sidar thing ngai dora;

¹⁰Rama me ngai le ran ngai dora, nukanei ngai le chunga aleng va ngai.

¹¹Phila reng ngai le mitin ngai dora, mi lian ngai le phila ruirilpu ngai dora;

¹²Nungak le ruathar ngai patar le naipang ngai. PUMA chu manpak u ro!

¹³Hava ngai han PUMA raming chu manpak rase! Asik chu ama raming duai ke ansanga a om.

¹⁴A mi ngai raki chu a mansanga, a mi anthiang ngai dora anpakna chu; Israel nai, akola mi ngai anpakna chu. PUMA chu manpak u ro!