Read Ranglong SAM 149 Bible Online

SAM 149 - Ranglong bible

SAM 149

¹PUMA chu manpak u ro! PUMA anpakna la thar tho u tan la; mi anthiang ngai ankhomna na han ama anpakna la tho u ro.

²Israel ngai chu asinpu chunga han pham u sela; Zion nai ngai chu a Rengkhit u chunga han rai man san rase.

³A raming chu alama manpak sela; khuangte le tingtang le ama anpaka la tho rase.

⁴PUMA chu a mi ngai chunga apham chachaka; omannuai ngai chu sandamna le manliang inti.

⁵Mi anthiang ngai chu anlianna na aphama om sela; a zamun zol u ngaia raisana la tho rase.

⁶Pathian ansanga anpakna chu amur u na om sela, khendai benni akut om rase;

⁷namtin chunga phuba alaka, mitin chunga ansinsakna antung rang le;

⁸areng u ngai chu thir zingzira akhita, ami sa u ngai chu thirkual anbun rang le;

⁹ruiril anziak suana le achung u na zek rang; hava ansangna chu ami anthiang ngai doran adon kiar u na. PUMA chu manpak u ro!