Read Ranglong SAM 17 Bible Online

SAM 17 - Ranglong bible

SAM 17

¹David borzongna O PUMA, kei dikna rui hi re tan la; keina paina he hi rangai ro! Milak chong ril ngai lui mur ata asuak ka borzongna hi na kuar na sung pe ro.

²Koi ka rui anrilna chu nang ata suak nisela, na mit chu a dik chunga meng rase.

³Ka malung nana mansina zana nana hong antongpuia; nana mansin sua zeia, item mumak che na. Ka mur hi asia ril no ni kei ti tit ke.

⁴Miring sinthona ruia, na mur ata chong asuak ei ni sika; mi lektak abui lampui aro nok ranga asadima kan runga.

⁵Ka kal phet ngaiin na lam chu a zi tita ka ke ngai hi anba ngai maka.

⁶O Pathian, ka na paia, nangin na masang na ti; ka tiang na kuar hong sung tan la, ka chongril hi na rangai pe ro.

⁷O, Nang anan boi ngai dora amani adui ngai ata achang kut le an sandam chachakpu; na lungkham boidong a om ha hong manlang ro.

⁸Mit lailen anga na rung tan la; ana dui tit anan hual tit ngai ata han.

⁹Mi salui anan siatpu; ana dui tit anan hual tit ngai ata han.

¹⁰A thatheia anvaia amar u, amur u le omlian sabaka achong u chachak.

¹¹Atun hi chu ka ke phetna rina ana hual u zeia, phila ei na maruai u na rang amit u ngai chu koini chunga ke ei meng u.

¹²Amani chu akoibaknei me anpet rang ning ei ol sabak ang le, akoibaknei vanglai mun anthim ran nana anbok chian ang ani.

¹³O PUMA, anthui ro! Ama chu anthopui tan la manbu tit ro! Kei damna hi mi salui ngai ata na khendai le mazok tan la.

¹⁴O PUMA, na kutin miring ngai ata, ramual miring ngai ata hin mazok ro; amani changai chu atun damsunga ei nei u hi ani na. Avon u chu na donglua le na manbit pe chachaka, nai ngai um a malung do anga a nei u, a sum mang u maniang chu a naite te ngai a mak pe u!

¹⁵Koiin chu dikna a dona na mel kei mu rang; nang aphuana ka meng tika ka malung dai inti.