Read Ranglong SAM 2 Bible Online

SAM 2 - Ranglong bible

SAM 2

¹Namtin chu ichangamo a tak ei si u? Mitin hin ichangamo anemna bui rui ei mandon u?

²Phil reng ngai a sel u na, ulian ngai um anruala PUMA le a sariak manthi chunga asia a mandon u.

³“Ei ankhit u na ngai hi achata,” “Arirual u ngai hi koini na kom ata pei pe u rei,” a ti u na.

⁴Vana ansut chu annin tia Puma han amani chu mani ero tho unti.

⁵Hatika han taksita amani kom chong ril intia taksit sabaka amani ratha manta inti.

⁶“Koi ngetin ka mual anthiang Ziona han, ka reng sin chu ka man sut zei” ati na.

⁷“Chongruat chu ril ka ti,” PUMAN ka koma, “ ‘Nang chu ka naipasal keng na ni; avian hin nang keina mazir ani zei.

⁸Na zong ro, hankeng na donglua rang namtin na pe ka tinga; kolmong tenpeia na donglua ranga na pe ka ti.

⁹Amani chu thir sunrol le makhui na ti; bel buakpu bel ei denga ei khui chit anga han khuichit na ti,’ ” a ti na.

¹⁰Hasik han O reng ngai, hian u ta ro; phila ruiril ngai O, anrenga om u ta ro:

¹¹Anchi chunga PUMA sin tho u tan la; annok chunga raimansan u ro.

¹²Naipasal chu tum u ro hanokten ataksi inti, lampuia siata anpei u na ti; atak hong si len inti, amana anngama a om ngai chu ravan asa u.