Read Ranglong SAM 21 Bible Online

SAM 21 - Ranglong bible

SAM 21

¹La ruaipu rang: David Anpakna La O PUMA, reng chu nei ratna zara a raisan intia; na sandamnana hin a raisan rang ba nu.

²A malung zotzat chu na peka; a mura ei zongna chu pe luia om mak che. (Selah)

³Satnana borsangna le na lei ngak keng; rangkachak anthiang renglukhu na mankhua.

⁴Ama han damna ana zonga, na lei peka, kumkhua taituana adam chianna chu.

⁵Nei san sika anlian sabaka; anpakna le anliana a chunga na siaka.

⁶Kumkhuana rang borsangna atampa na peka, na matona raisanna le a rai na mansan pe chachaka.

⁷Reng han PUMA chu a iama; chungnungkhita lungkhamna sika annik no ni.

⁸Na kut le nang ana dui ngai dora chu sur zit inti; na chang kut le nang anan mumak ngai chu sur na ti.

⁹Na takasi tika han amani chu halzoina moi an al luai anga sin na ti. PUMA han amani chu taksit nan avol kiar untia, moi han kang zit inti.

¹⁰A mara u ngai chu phil ata masiat na tia; akhuk u ngai chu miring nai ngai bil ata masiat chit na ti.

¹¹Na chunga han asia tho rang ansin u na, asanok a mandon u na len thei u mak.

¹²Nangin amani chu nuksir manson na tia nangin amani a maia dina na saili ri na rakuai zeta.

¹³O PUMA, nei ratnana han anpaka lei om ro! Hanchu na sintho theina anpaka la tho inti.