Read Ranglong SAM 24 Bible Online

SAM 24 - Ranglong bible

SAM 24

¹David Anpakna La Leilung le asunga a om dora hi PUMA ta ani na; ramual le asunga a om ngai lehin.

²Tipuilian chunga aman hava ngai ha ei manding a, tipui chungam ei mandet keng.

³PUMA muala tumo a kal rang, a mun anthianga tumo anding rang?

⁴Kut anthiang le malung anthiang adona, a rilru ite nilui ma maia siak ngai luia, milak le khomak ansam lui ngai mi chu.

⁵Ama han PUMA kom ata borsangna man intia, a sandampu Pathian kom ata diknam man unti.

⁶Pathian anrok ngai chu hantina mi ha ani u; Jakoba Pathian na mel anrok ngai chu. (Selah)

⁷O rakul suakkhar ngai, na lu chung u ngai ha ansanga a dom u ro, nangni suakkhar anlun ngai ankhai sang u ro; hanke anlianna Reng hi ei hong lut rang.

⁸Anlianna Reng chu tumo? PUMA arat le sinathothei, PUMA ralduinana sinathothei ani.

⁹O rakul suakkhar ngai, na lu chung u ngai ha ansanga a dom u ro, ani, suakkhar anlun ngai ansanga a dom u ro, hanke anlianna Reng hi ei hong lut rang.

¹⁰Ha anlianna Reng ha tumo? Sipai ngai PUMA chu, ama nget ha anlianna Reng chu ani! (Selah)