Read Ranglong SAM 25 Bible Online

SAM 25 - Ranglong bible

SAM 25

¹David Anpakna La O PUMA, ka rilru hi na koma ka siak tita;

²O ka Pathian, nang ka na iam. Mualphui ansaka na manom no tan la!

³Nang ana ngak ngai dora chu tute mualphui ansaka om no ni, asik omluia phuazekam sin atho ngai chu mualphui ansaka om unti.

⁴O PUMA, na lampui ngai chu na manthei tan la; na lampui rui chu na manchu ro.

⁵Na chong taka han na ruai tan la, na manchu ro, nang chu anan sandampu Pathian na ni. Sunkhat pei kei na ngak chian ke.

⁶O PUMA, na lungkhamna le nei maditna chu retit ro man ata aleia om kumkhua ani.

⁷Voibak ka ni laia kei masial ngai le kei machai ngai retit no ro. O PUMA, nei satna sika, na lungkhamna sika na retit ro!

⁸PUMA chu asana anzik ke, hava sika han mi salui ngai chu lampui manmu inti.

⁹Omannuai ngai chu ruirilna dika ruai intia; omannuai ngai chu ama lampui rui um manchu inti.

¹⁰A chongkhit le a chong manriat ngai a zom ngai rang han, PUMA lampui ngai dora chu lungkhamna le chongtak kiar ke.

¹¹O PUMA, na raming sika kei machai ngai na madual ro, asik chu atampa ke.

¹²PUMA anchi chu tumo? Ama ha a lampui thang rang chu la manmu na ti.

¹³Ei damna chu ahuiheka om intia, akhuk ngai han ram chu la lua unti.

¹⁴PUMA chong maruk chu ama anchi ngai koma a oma a chongkhit chu amani manriat inti.

¹⁵Ka mitin PUMA lam a en chachak, ama han ka ke ngai hi len ata la rasua intia.

¹⁶Ka tiang hong anhoi tan la, lungkham na mu ro, ninghal le antaka om ka ni.

¹⁷Ka malung anponna ngai hi anrik riama; o, ka lunghangna ata hi na mazok ro.

¹⁸Kei antakna le ka lunghangna hi mandon tan la. Kei siatna ngai dora na madual ro.

¹⁹Ana dui so mandon ta, atampa u ke; eina mumak sabak u ke.

²⁰O, kei damna asadima vong tan la, na san ro; mualphui ansaka na manom no ro. nang ke keina boi.

²¹Ka rilru satna le kei dik nan na mazok rase, kei na ngak chian ke.

²²O Pathian, Israel ngai hi, a lunghang u na ngai dor ata san ro!