Read Ranglong SAM 27 Bible Online

SAM 27 - Ranglong bible

SAM 27

¹David a ta PUMA chu ka ra-ang le anan sandampu ani; tumo kei achi rang?

²Asa nok atho ngai, ana dui ngai le ka raldui ngai han ka me sak ranga ana dui u lai han, anpal u na, anba kiar u.

³Sipai rualin ana dui ranga ansin chian unam, ka malungin achi no ni; ka chunga anduina hong suak ngal sela, hanum kei iamtit rang.

⁴PUMA koma kei zong khat a oma, hava tak ha keia rok rang: PUMA sazia amu rang le a biakina chong ankel rang, ka damsunga PUMA ina kei om chian theina rang ha.

⁵Antakna ni han a chubuktena na thup intia; azokna puanina han na thup intia; lungpui chunga na bang inti.

⁶Atun chu ana duipu, anan hual ngai chung tianga ka lu hi andom ansanga om inti; hanchu, a puanina han raisanna anbolna ngai dar ka ti.

⁷O PUMA, ka rol le ka na pai ten na rangai pe ro! lungkham na mu tan la, na masang ro!

⁸“Ka mel a rok u ro,” tia na ril lai han, ka malung han na koma, “PUMA, na mel arok ka ti,” a ti na.

⁹Koi ata na mai thup no tan la; na suak hi taksita pei no ro. Nang chu mi sanpu na ni chachaka; O ana sandampu Pathian, na heng no tan la, na ma no ro.

¹⁰Ka nu le ka pa han ana mak u na, tenchu PUMA, han na la pom inti.

¹¹O PUMA, na lampui chu na manmu tan la, ka raldui ngai sika hin lampui anzika na ruai ro.

¹²Ana dui ngai zot dadana eina tho u ranga na pe no tan, milaka ariatpui ngaiin ana dui u na, nun asiat rui aril chachak ngai han.

¹³Mi dam rama hin PUMA satna amu rang hi an iam no ila chu pong sabak zei ning.

¹⁴PUMA chu ngak chian ro. A rata omtan la, na malung chu anngam rase. PUMA ngak chian ro.