Read Ranglong SAM 30 Bible Online

SAM 30 - Ranglong bible

SAM 30

¹David a ta O PUMA, na manpak ka ti, nangin ngirsai nana mandinga ana dui ngai neina manriam nok sika.

²O PUMA, ka Pathian, ka na paia, nangin nana mandam zeia.

³O PUMA, nangin nana mandam zeia, khur anthukpana kei chum nokna rang nangin nana rung zela.

⁴O, a mi anthiang ngai, PUMA anpaka la tho u ro; a raming anthiang chu manpak u ro!

⁵A taksit chu chomokhatbak ani na, a mi maditna han damna a oma. Chapna hi ariak ranga khului tiang honga lut theia, zinga han chu raisanna honga tung chachak.

⁶Koiin ahui le heka ka om lai chu, “Koi chu annik ngal no ning” ka ti na.

⁷PUMA, nangin nei na ditna sika ka mual chu nana lei mandet pe zeia. Tenchu na mai na thupa, ka ratha aleia ta keng.

⁸O PUMA, nang ka na paia; PUMA kom ngeta han lungkhama kei zong ha:

⁹“Thi ila, thana chum ila, na rang imo anlapna om? Philvutin na manpak ni mo? Na chongtak hi na manriat ni mo?

¹⁰O PUMA, rangai tan la, lungkham na mu ro! ka bosta chu nana lik pe na, raisanna le ka konga nana khita!”

¹¹A thi kei rangaina ha ka rang lamna na na manchanga; ka bosta chu nana lik pe na, raisanna le ka konga nana khita.

¹²Kei anlianna hi, dairek luia; nang anpak la ei tho theina rang. O PUMA, ka Pathian; kumkhuana raisan chong na ril chian ka ti.