Read Ranglong SAM 32 Bible Online

SAM 32 - Ranglong bible

SAM 32

¹David Anpakna La Ei machaina anduala oma, ei sanokna ankhuna om chu, borsang atung u.

²Mi, PUMAN masialna dona a betok noka, a rathana anhuangna ngal don lui chu, borsang atung u.

³Ka dairek lai han, sunkhat kei ankuia han, ka ru ngai dora asiat zita.

⁴Sun zan na kut arik neina mandel sika; ka taksa rathim, pamsal ahul anga ahul zei. ( Selah)

⁵Kei masialna ngai chu na koma ka puanga; kei siatna chu thup lai makunga. “Kei machaina chu PUMA koma anpuang ka ti” ka tia; hanke kei siatna nei lei madual zeia. (Selah)

⁶Hava sik han, Pathian anpoisak ngaiin chu abeicheka ana mu thei u lai hin na koma borzong chip u rase; tiliansang chu honga liam tik han amani chu hong pha len no ni.

⁷Nang chu kei anthupna mun na ni na; nang han anponna ata na mazok na ti na; azokna la ngai le na manhual na ti. (Selah)

⁸“Hianna na pe ka ti na lam ro rang na manmu ka ti; ka mit le en chunga rui nan rilpui ka ti.

⁹Mandonna don lui sakor mo sakuarpar mo anga om u no ro, amani anmin na rang lakam thir lipval anban ananga hanokten kei thei no ta ni.”

¹⁰Mi belkailui rang chu lunghangna tampa a oma, PUMA iam ngai chu lungkhamnan ahualtit inti.

¹¹Mi dik ngai, PUMA na han raimansana pham u ro. Malung dik anput ngai dora, raisana ankhek u ro!