Read Ranglong SAM 35 Bible Online

SAM 35 - Ranglong bible

SAM 35

¹David Anpakna La O PUMA, anan thopui ngai chu nangin anthopui tan la; ana dui ngai chu nangin dui ro!

²Phocheng te le phocheng lian alek tan ana san ranga anding ro.

³A sei um radok tan, ana hong anzul ngai lei va khan tan; kei damna koma han “Na sandampu ka ni” ti ro.

⁴Kei damna ana pei rang atho ngai chu, mualphui ansaka anzaka om sela! Kei siatna ranga ansuk ngai chu, rot u rase!

⁵PUMA vanpalaiin not tir sela, bu rasi thinthin ei zuang pui anga om u rase!

⁶PUMA vanpalaiin razul tir sela, alampui u chu azing le annal ni rase.

⁷Asik abuia kei anokna rang a len u chu khura maruka apha u na.

⁸Ansina a omnok lai tak siatna a chunga tung sela; maruka a len phana ama nget anok rase, hava han chula siat rase!

⁹Hanchu kei damna hi PUMANA han a raisan inti; a sandamna han pham inti.

¹⁰Ka ru ngai dora hin, “PUMA, mi anriangam aneka arat ata anzokpu, anriang le anuai anruk ngai ata anzokpu? Nang na ang hi tumo a om ti inti.”

¹¹Ariatpui diklui ngai hong anthui u na; kei riat thei nok ruia ana rakela.

¹²Kei damna anchan hial khopa asa asiatin ana thuana.

¹³Koiin chu adam u noka puanchet ka rasila; bu ka ngoia khuksabila bor ka zonga.

¹⁴Ka parual mo ka mal anga amani kei mandon ngai, thina sika lunghang anga anbura ka cheia; a nu athi anga.

¹⁵Tenchu kei khora han amani chu arai asan u na, ankhom u; mi salui papei ngai anan thopui rang ankhom u na, hava ha lei re makunga; mong pial luia ana sinsaka.

¹⁶Bukhlai anzarna na manitangzar atho ngai papei anga, koi ka chunga a ha arial u na.

¹⁷PUMA, nangin ni ituktenmo nei en rang? kei damna hi ansiat rang ei tho u ata han san tan la; kei don selep ratha hi akoibaknei ata na rung!

¹⁸Ankhomna lianpa na raisan chong na ril ka tia; mi tampa bila na manpak ka ti.

¹⁹Ka raldui ngaiin dik luluia na mariam u no rase, asik abuia anan mumak ngaiin a mit le anbiak u no rase.

²⁰Anngoina chong ngal ril u maka; tenchu, hia rama ahui riama a om ngai a huangna rui ke ei mandon u.

²¹Amanin koi amur an-ang popoka ana ngo u na, “O koinin na mit le na mu zei!” a ti u.

²²O, PUMA, nangin na mu na, dairek no ro. O PUMA, alana na om pe no ro.

²³Ka Pathian ke ka Puma, ka rui aril rang; koi ana san rang, an har tan, meng ro.

²⁴O PUMA, ka Pathian nei dikna sik ka rui na ril pe ro; amani han na mariam u no rase.

²⁵A malung u na, “O hantin han ke nei zot!” ti u no rase, “Ama chu na vol sua zei um!” ti u no rase.

²⁶Kei siatna chunga apham ngai chu mualphui ansak le changdonga om u rase; ka chunga borai atho ngai chu mualphui ansakna le anzakna ansila om u rase.

²⁷Kei dikna chunga apham ngai chu raisana ankheka raisan taka om rase. “A suak ravan satna chunga apham ngai chu PUMA chu manpak rase.”

²⁸Hanke, ka malei hin dikna chong ril intia, nei anpakna chong um sunkhat ril inti.