Read Ranglong SAM 36 Bible Online

SAM 36 - Ranglong bible

SAM 36

¹La ruaipu rang: David Anpakna La Mi salui machaina na han ka malung sunga chong a rila; “A mit muna Pathian anchina ngal om mak,” tina.

²“Kei siatna mu thei u no ni, deram u no ni,” ti na, ama mit muna aninga anpaka.

³A mura chong asuak ngai chu asanok le anhuangna duai ke; ahiana le asa tho a bang zei.

⁴A zalmuna han asanok a mandona; lam saluia han ase khakaka, asanok matir mak.

⁵O, PUMA, na lungkhamna chu anvana a oma; iamruana nei omna chu anvan pol aton ke.

⁶Nei dikna chu Pathian mual ngai ang ani na; na ruirilna ngai chu tinthuk alianpa ang ke. O PUMA, miring le me na rung chachak.

⁷O Pathian, na lungkhamna chu alu ba nu! Miring nai ngai han na mantha ralim thuai anchu u.

⁸Amani chu na in sunga asa le khop untia; nei phamna dunga ti man ne na ti.

⁹Damna tikhur chu na koma ke ei om, na ra-anga han ra-ang koinin la mu inti.

¹⁰O, nang ana riat ngai chunga han na lungkhamna na manlang zela, malung adik anput ngai chungam nei dikna chu manlang zel ro.

¹¹Om anlian ke chu anan thopui rang ka tiang kal phet no rase mi salui kutin um na not no rase.

¹²Sovan son asiat atho ngai chu anba u na. Antuara anba u na, anthui thei u lai no ni.