Read Ranglong SAM 4 Bible Online

SAM 4 - Ranglong bible

SAM 4

¹La anruaipu rang: David Anpakna La O kei dikna Pathian, ka na pai le na masang ro, ka rathatana nangin nana mazok chachaka; lungkham na mu tan la, kei anlianna hi ituktenmo mualphuina na nei manchang rang?

²O miring nai ngai, kei anlianna hi ituktenmo mualphuina na nei manchang rang? Ituktenmo ite nilui hi neia dita milak chong neia rok rang? (Selah)

³PUMAN chu Pathian anpoisak mi chu ama rang abinga ei siak ti re u ro, PUMAN chu ka kui kip lei rangai inti.

⁴A chi u tan, asiat tho u no ro; na zalmun u na na malunga andon u tan la, dairiam u ro. (Selah)

⁵Dikna dali ngai chu dar u tan la, PUMA chu iam u ro.

⁶“Satna reng tumo anan mu thei rang?” ati ngai chu atampa om u. PUMA, nang ngetin na mel ra-ang han na man el ro.

⁷A bu u le a uain u a man lup ulaia a raisan u neka raisanna atam ving ka malung hin nana manbit pe.

⁸Phukdai riama zal ka tia, in ka ti; PUMA, nang nget hi na ni, ka thei dakam a chi luia anan om chachak.