Read Ranglong SAM 41 Bible Online

SAM 41 - Ranglong bible

SAM 41

¹La ruaipu rang: David Anpakna La Anriang ngai andon mi chu borsang atung u, lunghangna ni na PUMAN ama chu mazok inti.

²PUMAN ama chu runga ei damna hoi intia, phila hin borsang atunga om inti; ama adui ngai zot le ninga ei lot ranga pe no ro.

³PUMA ei chuaia ei zalna muna han ratna pe intia nangin adam nok lai han ei zalna na sin pe kiara.

⁴Koiin, “O PUMA, lungkham na mu tan la, kei damna hi na mandam pe ro, na chunga asia ka tho na,” ka ti na.

⁵Ana dui ngaiin chu, “Itikmo ei thina, a raming ei anpei rang,” tina, anrilsiat u chachaka.

⁶Hanuk, amani bila tulekin mo ana hong enam, chong peipok aril chachaka; a malung han asanok a mankhom chachaka; ei suak le mi ava ril chachak.

⁷Anan mumak ngai doran chu ana duina chong anril sisit u na; mi ei siatna rang a mandon u chachak.

⁸“Natna saluiin akop zeia; atuna ei zal hi anthui ret lai no ni,” a ti u na.

⁹Ka lom madit ka mi iam, ka vaipol ansempui nget han, a ke madil ka chunga a lang zei.

¹⁰Tenchu, O PUMA, nangin lungkham na mu tan la, amani kei thuan theina rang na mathui ret ro.

¹¹Hiva na hin ka chunga na rai asan ti ka riat, ana duipun eina ngam chachak noka hin.

¹²Koi hi chu rilru sa kei raputa hin nangin nana sur tita; a makunga han kumkhuana rang nana siak.

¹³PUMA, Israel ngai Pathian chu! Umor ata umor taituana anpaka om rase! Amen! Amen!