Read Ranglong SAM 44 Bible Online

SAM 44 - Ranglong bible

SAM 44

¹La ruaipu rang: Kora ngai La O Pathian, tiana adam u laia na sintho ngai ha na khuk ngaiin ei na ril, na kuar le nei riat.

²Nangin na kut ngetin namtin chu nei razula na khuk ngai chu nei phuna; mitin chu na mantaka, amani chu na manliana.

³Ram hi alua ranga amanin khendai le ei lak u nimaka; amani a ban ule ansandam um ni u mak, a chung u na na rai ei san sika.

⁴O Pathian nang chu ka reng ke na ni; Jakob zokna ranga chong pe ro.

⁵Nang na sika ana dui ngai chu suka maluai intia na raming sika ana dui ngai chu achil intia.

⁶Ka saili hi anngampui le no ninga, ka khendaiin um na sandam no ni.

⁷Anan duipui ngai ata han nangin nana sandama anan mumak ngai chu mualphui na sak zei.

⁸Sunsota Pathian nan lianpuia, na raming chu kumkhuana manpak inti. (Selah)

⁹Atun hin chu nangin nana henga, nana manzaka; koini na sipai ngai lem suak lai mak che.

¹⁰Ana dui ngai ata nana manrot chachaka, anan mumak ngai han ei zozota sum alak u chachak.

¹¹Bera anthat rang anga nana siaka; namtin bila nana chen kiara.

¹²Na mi ngai chu ite ni luia na zuara, aman u ngai chu nei nei pui lem nimak.

¹³Nangin na ravela mi ngai nana man ero na, na kol kianga mi ngai mumak le manitangzar ranga nana manoma.

¹⁴Nangin namtin bila asiat tianga ankhina ranga nana siaka; mitin bila mi ngai lu anthingna ranga nana siaka.

¹⁵Kei anzakna hi sunsota ka makunga a om chachaka; mualphui kei ansaknan ana mankhuk zei.

¹⁶Paidar anasakpu le rilsiatpu he sika le raldui le ratha thuanpu sika.

¹⁷Hava ngai dora ha koini na chunga atunga; tenchu na mangil ngai mak me, na dankhita hin arothola tho ngai mak me.

¹⁸Koini na malung ngai hi nuk kir ngai maka; koini na ke phet ngaiin na lampui pang pet ngai mak.

¹⁹Nangin si-al ngai omnana nana sinsaka; thina ralina ei na mankhuna ranga.

²⁰Koini na Pathian raming nei mangila mo, ram atei Pathian tiang na kut ngai nei phar aniten,

²¹Pathianin hava ha eia roka ei tok nok rang mo? Malunga anthup ngai hi ei riat kiar ke.

²²Ani, nang na sika sunsota anthata ka om chachak; bera anthat rang ngai anga anbetok ke na ni.

²³O PUMA, hian ro! Ichangamo nei in? Meng tan, kumkhuana han na mak no ro!

²⁴Ichangamo na mai nei thupa, nei antakzia le ansinsaka nei tiarzia hi nei mangil chachak?

²⁵Ana san ranga anthui tan; na lungkhamna sika na ratan ro.

²⁶Ana san ranga hong ro! Na lungkhamna sika na ratan ro!