Read Ranglong SAM 47 Bible Online

SAM 47 - Ranglong bible

SAM 47

¹La ruaipu rang: Kora mi ngai Anpakna La O, mi ngai dora, na maza aben u tan! Raisanna rol le Pathian kom ankhek u ro!

²PUMA chungnungkhita chu anchi om ke; phil chung dora na Reng anlian ke ei ni.

³Ama han mitin chu koini na thuaia asiaka; namtin chu koini na ke thuaia asiak.

⁴Ama han koini na donglua rang chu na thang pe inti, ei madit Jakobin ei manlian khit ram ha. (Selah)

⁵Pathian chu rahupui le a kala. PUMA chu totorot rasa le a kal zei.

⁶Pathian anpaka la tho u tan la, anpaka la tho u ro; koini na Rengkhit anpaka la tho u tan la, anpaka la tho u ro!

⁷Pathian chu ramual pumpuia Reng ani na; re u tan anpaka la tho u ro.

⁸Pathian chu namtin chunga renga ansuta; mitin bila mi lian ngai chu anchun u na; Leilung phocheng ngai chu Pathian ta ani na; ama chu anpak sabaka om.

⁹Abraham Pathian mi ngai ani rang mitin bila mi lian ngai chu ankhom u na, leilung pho ngai chu Pathian ta keng; ama chu anpak sabaka a om.