Read Ranglong SAM 48 Bible Online

SAM 48 - Ranglong bible

SAM 48

¹La: Kora mi ngai Anpakna La PUMA chu alian ke, nei manpak sabak rang ke koini na Pathian khopuia, a mual anthianga han.

²Ansang ahui ramual dora raisanna chu; Zion mual ha ani, mar tianga, Reng alian khopui ha.

³A reng in ngaia han chu Pathianin rakul ansang ani ti anpuanga.

⁴Enta, reng ngai chu anchun u na, ahong u na.

⁵A mu u na, boidong a om ati u na; lunghang achul u na, a rot len u na.

⁶Hava han annoknan a sura, nupang naiha puang angam a sura.

⁷Sualam thinthin Tarsis rakuang alian ngai chu a masiat chachak.

⁸Sipai ngai PUMA khopuia, na Pathian khopuia han, kuar nei riat ang nget han na mu zei; Pathianin ha khopui ha kumkhuana ranga mandet inti. (Selah)

⁹O Pathian, na biakin sung rila han, na lungkham zia hi na mandon zei.

¹⁰O Pathian, na raming ang ngeta, nei anpakna chu kolmong tenpeia a oma; na chang kut tiang chu dikna le abit ke.

¹¹Na ruirilna ngai sika Zion mual chu raisan taka om se la! Judai ram nainupang ngai chu raisan taka om u rase.

¹²Zion chu anhila, ahual u tan la; a ralsuang kung in ansang ngai um tel u ro,

¹³A rakul ngai chu mandang sadim u tan la, a reng in ngai chu mandon u ro, thuithar ahonga om ret ngai koma nei ril thei u na rang.

¹⁴“Hiva Pathian hi kumkhua taituana na Pathian rang ke; thi tenpaiam ana ruaipu ni inti.”