Read Ranglong SAM 49 Bible Online

SAM 49 - Ranglong bible

SAM 49

¹La ruaipu rang: Kora mi ngai Anpakna La O mi ngai dora, hiva hi rangai u tan la! Ramuala a om ngai dora, na kuar lei sung u ro.

²Mi sin le mi lian, anchong le anriang um.

³Ka murin hianna chong ril intia; ka malung mandonna chu riattheina chong ni inti.

⁴Ahianna chonga ka kuar sung ka tia; chongril anthuk kei ril chu tingtang le manthiang ka ti.

⁵Nikhua saluia asanokna ngaiin ana hual titam ichangmo kei achi rang,

⁶a suma anngama, a neinungna achan anlianpui ngai han.

⁷Tuten a parual ngal ratan thei no nia; Pathian koma anratan nam pek pe thei u no ni,

⁸Ei dam u na ratanna rang han atam sabak atham ananga, kumkhua nam apek rang anhun no ni.

⁹Ei dam chiana, ei thuna ei siat nokna rang han.

¹⁰Mi hian ngai um athi u na, aset amo ngai um athi u na. A sum u mitei ei mak pe u chachak chu anriat u na.

¹¹A rilru mandon dan u chu; a in u ngai chu kumkhuana a om rang anga le; ei om u na ngai chu akhuk akhuk tenpeia a om rang ang ani, a ram u ngai chu amani raming a mankham u chachak.

¹²Tenchu miring hi anliana omchian maka; ran anpei u chachak ngai ang mai ke.

¹³Ha a omdan u ha ei mo u na ani, tenchu, a nuk u na han min achong ril u ngai chu asa ati u chachak.

¹⁴Bera anthat ranga Seol-a anthung lup u ati u chachak, thina ha amani rungpu ni untia. Khua avar le mi dik ngaiin achung u na ruiril untia, ataksa siat untia, Seol chu ei om u na rang in ani zeia.

¹⁵Kei damna hi chu Pathianin Seol kut ata mazok inti; (Selah) ama han na maham intia.

¹⁶Mi a neia alei oma, a insungkua lianna chu anson ruruamam;

¹⁷a thi tik han ite abila choi thei no ni; ei lianna han zi thei no ni.

¹⁸A dam lai han borsang atung anti ngal se la, borsang ei tung sika min manpak ngal sela,

¹⁹akhuk ngai bila se inti, ra-ang voikhat ngal mu lai lui ngai rang koma han.

²⁰Miring, anpaka a oma, riattheina don thei lui chu; ran athia anpei u chachak ngai ang ke.