Read Ranglong SAM 5 Bible Online

SAM 5 - Ranglong bible

SAM 5

¹La ruaipu rang: David Anpakna La O PUMA, ka chonga hin na kuar lei sung ro, kei mandonna hi na mandon pe ro.

²Ka Reng le ka Pathian, kei chapna rahu hi na rangai pe ro! na koma borazong keng ka ni.

³Zinga han ka borzongna hi; na matona siak ka tinga lei si chian ka ting.

⁴Asiat apham Pathian ni mak che na; mi salui chu na koma om u thei no ni.

⁵Mi omanphu ngai chu na mitmuna anding thei u no nia; omsalui atho ngai dora chu na matira.

⁶Milak atho ngai chu masiat na tia PUMAN thisen ansuak a mang ngai le mi huang ngai chu a matira.

⁷Koi chu, na lungkhamna ei lian sika na ina hong lut ka tinga; lalchi tho chunga na biakin anthiang lam anhoia na mok chachak ka ting.

⁸O PUMA, ka raldui ngai sika nei dikna sik han na ruai ro; na lampui chu ka matona hin na manzik pe ro.

⁹A mur u na aiamrua ngal om maka; avon sung u chu asanok duai keng; arol u chu than anlong a ni na; amalei u le mi ramasianpak a tho u chachak.

¹⁰O Pathian, hia anga hin siat anlo manchang ro; amani ruizek nget ha anba nana mang u rase. Ei masial u na atampa sika amani chu razul ro; na tak chunga asel u keng.

¹¹Nang a nan boi ngai dora chu na chunga raimansan u rase. Nei rung chachak sika raisana ankhek chian u rase; na raming andit ngai um na chunga apham chiana om u rase.

¹²Mi dik ngai chu borsang nei pek nget rang ani; O PUMA, ama chu phocheng anga anditna le ahual ving ro.