Read Ranglong SAM 51 Bible Online

SAM 51 - Ranglong bible

SAM 51

¹La ruaipu rang: David Anpakna La O Pathian, na lungkhamna ei tam sika lungkham na mu ro, nei na ditna sika kei masial ngai na pei pe ro.

²Kei dik nokna ngai na rasu pe vang ro, kei masial hi na rathial pe ro!

³Kei masialna ngai hi ka riata; kei masial hi ka makunga a om chachak.

⁴Na chunga, na chung ronga ke asia kei tho, na mit muna asia ka lei tho na. Chong nei rila sat nan lo theia; rui nei rila nei anthiang hiai theina rang.

⁵Enta, kan zir ata masial adon ka ni na; ka nun salui keini chunga ana vonga.

⁶Sungril tiang antakna anzota; anlang lui tiang hianna nana manchuna. 1

⁷Husop le na rathial ro sai ka ti; na ra su tanla hanke arial neka kei var rang.

⁸Raisanna le phamna chu na manriat ro; na ru kui ngai chu raisan theina rang.

⁹Kei siatna ngai ata na mai thup tan kei masiatna ngai dora na pei pe ro.

¹⁰O Pathian, koia hin malung anthiang sin tan, ka vonsunga hin ratha dik athar na sin pe ret ro.

¹¹Na kom ata na pei no tan la; na ratha anthiang hi na la pe no ro.

¹²Nei na sandamna raisanna na pe ret tan, ratha hetel le na sur chian ro.

¹³Hatuka ansial ngai chu na lampui rui manchu ka ti na, hanchu, mi salui ngai chu na tiang hong anhoi ret unti.

¹⁴O Pathian, nang anan sandampu Pathian, thisen suakna ata hanchu, ka maleiin nei dikna chong chu raisan taka na uai inti.

¹⁵O Puma, nangin ka mur hi na malong pe ro, hanchu ka murin nei anpakna la puang inti.

¹⁶Anbolna na phamna don mak che na, hantin ni no sela hong choi ka ti; halbiang dali chunga malung zotna ngal don mak che.

¹⁷Pathian zot dan anbolna chu ratha malung ana ani na. O Pathian, malung lungana le ansir tatak ngai hi matir mak che.

¹⁸Nei zot dan taka Zion chunga asa tho ro; Jerusalem rakul chu sin ro.

¹⁹Hatuka, dikna anbolna ngai chunga phamna don na ti na; halbiang dali le halbiang apum adar chunga han; na maicham chunga han serattangpa ngai dar unti.