Read Ranglong SAM 53 Bible Online

SAM 53 - Ranglong bible

SAM 53

¹La ruaipu rang: David a La A mon chu a malunga, “Pathian ngal om mak,” ati chachak. Asiat kiar u ke, antir aruai sin sanok atho u na; tute asa tho angkhat ngal om mak.

²Ariat theia Pathian anrok ngal a om u mo ti ariat ranga, Pathianin anvan ata miring nai ngai a ena.

³A kir kiar u na; annim sabaka aleia om kiar u na. Tute asa tho ngal om u mak, angkhat ngal om mak.

⁴“Asiat a tho ngai han riatna ngal don u mak mo?” “Vaipol ei sak u anga ka mi ngai asak hiam u na, Pathian um pai ngal u ngai mak.”

⁵Anchina ngal ei om nokna na han achi sabaka om u na, nang anan duipui aru ngai chu Pathianin atheka a pei pe zeia, Pathianin amani chu ei heng sika mualphui na mansaka.

⁶Israel ngai sandamna chu Zion ata hong suak sela. Pathian han a mi ngai selkeia ei om u honga kir pui ret tika, hava huna han Jakob ngai raisan untia, Israel ngai pham unti!