Read Ranglong SAM 55 Bible Online

SAM 55 - Ranglong bible

SAM 55

¹La ruaipu rang: David a La O Pathian, ka borzongnana hin na kuar lei sung tan la; lungkham kei na zongna na hin anthup no ro!

²Na rangai pe tanla, na masang ro; kei anponna sika ngir thei makunga, kan hum chachak.

³Ka raldui rahu sika, mi salui ngai anphenengna sika. Ama han asanok ka chunga ahong maluaia, taksita ana siaka.

⁴Ka sunga hin ka malung achan ana na, athi rathatak omin ana dela.

⁵Anchina le annok nan ana chelbo na; anchinan ana mankhu rapa.

⁶“O, vasu anga mantha don ka zot ba nu!” ka ti na. Hatuka, zuang viak ka tia, phukdairiama om ka ti.

⁷En ta, alapa na van leng ka ti na philchara va om ka ti. (Selah)

⁸Thinthi na sabak le phaivua ata pong kei ansana muna kei mak lilip rang ka ti na.

⁹O PUMA, amalei u ngai masiat tan thet pe ro! Asik chu khopuia han milektak abui le doranzongna ka mu na,

¹⁰asun azana khopui ha rakul chung tiang ahil ahil u, asunga han sialna le antakna a oma.

¹¹Therkhakaka ansiatna asunga a oma; anhuangna le anphutna ngaiin khopui mathan mak.

¹²Anan eropu ha ka raldui le nimaka, nisela chu, tiar thei ka ti; ka chunga anlian chu eina mumak le nimaka, nisela chu, anthup pe viak ka ti.

¹³Tenchu, nang ka miring pui, ka lom, ka unai nget ha nei ni.

¹⁴Munkhata nei anlopa chongkam athum amanga nei chonga, mi bilam Pathian biakina loko nei se ha.

¹⁵Thina achung u na hong tung rak sela; thana han a dam chunga chum rase! Asanok ngai ha ei om unana le asung u na a om ke.

¹⁶Koiin chu Pathian kui ka tia, hatuka, PUMA na sandam inti.

¹⁷Khuluia, zinga, suna kei antakna rui kei rila anhum ka ti na; hatuka, aman ka he rangai inti.

¹⁸Koi eina dui u na ata hin kei damna hi phukdai riama ana mazok zeia; ana dui ngai atam sabak u nam.

¹⁹Pathian man ata a om chian han, rangai intia, amani masang inti; (Selah) miring tei ngai lui, hanuk Pathian achi lui ngai ha.

²⁰Ama le anngoi ngai chunga han a kut aleka; a chongtin chu a mannima.

²¹A chong chu ranuti tang anga annila, a malung chu anduina ke; a chong ngai chu sariak neka annala, tenchu, khendai andok sana om ang ke.

²²Na puakrik pel chu PUMA chunga betok tan la,

²³Tenchu, O Pathian, nangin amani ha anpeina khura han masum ro; thisen ansuak amang mi ngai chu ei dam u rang tuk anbak ngal dam u no ni.