Read Ranglong SAM 56 Bible Online

SAM 56 - Ranglong bible

SAM 56

¹La ruaipu rang: David Anpakna La O Pathian, lungkham na mu ro, miringin anan vol rang ei tho u; sunkhat ana duia ana pheneng chachaka.

²Ka raldui ngaiin sunkhat anan vol rang ana vala; borai tho chunga ana dui ngai hi atam u na.

³Ka chi kip pei, nanga anngam ka ti.

⁴Pathian ka iama, a chong manpak ka ti na; Pathiana kan ngama achi no ning. Athi thei miringin imo eina lot thei rang?

⁵Sunkhat ka chong ngai kuar koia alak u na; ei mandon u na ngai dora chu nei sa nokna rang duai ke.

⁶Ankhom u na, anthup u na, ka nuk ngai a mandang u chachaka, kei damna apei ranga ei ngak u chachak anga.

⁷Ei sa u nokna ansinsakna ata anlen thei u ni mo? O Pathian, taksita mitin hi mandok ro!

⁸Nangin kei cheina ngai na mandang chachaka; ka mitrathi ngai hi mevun zuala mandang ro. Na lehkhabuna chuang kiar mak mo?

⁹Ka na pai tik han ana dui ngai chu rot kiar unti, hiva hi ka riat Pathianin ei na san hi.

¹⁰Pathiana han a chong manpak ka tia. PUMA na han a chong kei manpak rang.

¹¹Pathian ka iama, achi no ning. Miringin imo eina lot thei rang?

¹²O Pathian, na koma chongtin ngai ka dona; pham chong aril anbolna ngai le na thuan ka ti,

¹³Kei damna hi thina ata nana mazoka; ka ke ngai hi anba nok ranga nei rung nimak mo? Mi dam ngai ra-anga Pathian maton cheikhua kei anleng na rang.